Футбол трансферлар билан ҳам қизиқ. Айниқса амалга ошган трансферлар жамоага янгича рух ва услубни олиб келади. Аммо, шундай трансферлар борки, улар амалга ошмаган. Ушбу трансферлар ушалганда, тарих бошқача бўларди. Албатта булар сиз учун қизиқ. Қуйида бир-биридан қизиқрли амалга ошмаган трансферлар, уларнинг вужудга келиши ва тарихга қандай таъсир ўтказиши мумкинлиги ҳақида билиб оласиз.
Альфредо Ди Стефано
Трансфер: “Милонариос”дан “Барселона”га
Қачон: 1953 йил
У қаерга келди: “Реал Мадрид”
Бу қандай бўлган эди. Келинг, узоқдан бошлайлик. 50 йилларнинг бошларида дунёнинг энг кучли клуби Колумбиянинг “Милонариос”и эди. Юлдуз аргентиналиклар 1948 йилда футболчиларнинг оммавий иш ташлаши натижасида ўз лигаларини тарк этиб, у ўша жамоага кетишганди. Улар орасида Альфредо Ди Стефано ҳам бор эди. 1951 йилда ФИФА тегишли рухсатисиз ўйинчиларни жалб қилгани учун Колумбия футболининг барча турларини тақиқлаб қўйди. Колумбия терма жамоаси 1954 йилги жаҳон чемпионатини ўтказиб юборди, аргентиналиклар эса секин-аста бошқа чемпионатларга йўл олишди.
“Милонариос” ўша пайтда ФИФА томонидан тан олинмаганлиги сабабли, "Барселона" Ди Стефанони трансфери борасида собиқ жамоаси "Ривер Плейт"га мурожаат қилди. Аргентиналиклар рухсат беришди, колумбияликлар вето қўйишди, футболчининг ўзи эса Каталонияга қочиб кетган ва ҳатто “Барса” сафида бир нечта ўртоқлик ўйинларида иштирок этган эди. Аммо Испания футбол федерацияси фикрича: барча томонлар, жумладан, “Милонариос” ҳам рухсат бериши керак эди. Колумбияликлар эса шартнома бўйича футболчи уларга пул қарзи борлигини даъво қилишди. Бу ерда “Реал Мадрид” саҳнага чиқди ва керакли 1,5 миллион песетани тўлади (“Барселона”нинг Риверга берган 4 миллиони куйган эди).
Испания федерацияси бу вазиятда энг тасодифий ҳаракат қилди. Биринчидан, у ҳар қандай легионерларни сотиб олишни тақиқлашни жорий қилди, кейин эса "Реал" ва "Барса"га галма-гал футболчига эга бўлишни таклиф қилди - бир мавсум пойтахтда, иккинчиси Каталонияда. "Барселона" раҳбарияти довдираб, 4 миллион песетани қайтариб беришни сўради ва шартномадан воз кечди. Мавсум бошланганидан икки ҳафта ўтиб, охиригача чидаган “Реал Мадрид” “Эл Класико”да Ди Стефанони майдонга туширди ва 5:0 ҳисобида ғалаба қозонди. Бунинг ортидан кетма-кет бешта еврокубокларда мадридликлар зафар кучишди.
Нима бўлиши мумкин эди: ҳозирги "Реал Мадрид" Криштиану Роналдусиз беш йил ичида тўртта Чемпионлар лигасини ютиши мумкинмиди? Ди Стефано билан ҳам худди шундай. Унинг трансфери вақтида "Барселона" амалдаги чемпион бўлган ва пойтахт клуби деярли 20 йилдан бери Ла Лигада ғолиб чиқмаган эди.
Ди Стефано билан Барса қандай кўринишга эга бўларди? Европа кубоги аллақачон 1955 йилда пайдо бўлган бўлар эди. Ўшанда каталонияликлар ҳужумчиларнинг энг кучли дуети Ди Стефано - Кубалага эга бўларди ва бироздан кейин жамоани ўша даврнинг энг яхши мураббийи Ҳеленио Эррера бошқариб, чуқур плеймейкер Луис Суареснинг улкан салоҳиятини очиб берди. Бу бутун ўн йил давомида енгилмас сулола бўлиши мумкин бўлган.
Лев Яшин
Трансфер: “Динамо Москва”дан “Реал Мадрид”га
Қачон: 1960 йил
У қаерда қолди: "Динамо"да қолди
Бу қандай содир бўлган. Совет дарвозабони Европа чемпионлигини ҳаётининг энг яхши чоғида - 31 ёшида қўлга киритди. 1960 ва 1961 йилларда Яшин "Олтин тўп" учун ТОП-5 номзодлар қаторидан жой олди. СССР терма жамоасининг Париж финалидаги “олтин голи” муаллифи Виктор Понедельник айтганидек, Мадрид клуби президенти Сантьяго Бернабеу Евро ғолибларига Францияда бўлганларидаёқ шартнома таклиф қилган.
“Фақат ўша кунларда вазият қандай эди: делегациямиз раҳбари аралашди. Совет футболчилари ўз клублари билан шартнома имзоладилар, деди у ширин жилмайиб. Мен ҳам фақат табассум қила олардим, чунки Совет Иттифоқида спортчилар учун шартномалар йўқ эди ", - деб эслайди Понедельник.
Дон Сантьяго Бернабеу Яшин таклиф қилинган шартномага исталган суммани киритиши мумкинлиги ҳақидаги кенг тарқалган эртакни жиддий изоҳлади: «Аслида мен унинг учун ҳар қандай нархни тўлашга тайёрман. Бироқ, ҳар қандай нарх жуда паст бўлади, чунки жаноб Яшиннинг нархи йўқ.
1965 йилда Яшин Германиянинг Неуес Деутсчланд социалистик газетасига берган интервюсида трансфер бўйича таклифлар олганини тасдиқлади. «Ғарбда клублар бир-биридан одам сотиб олади ва клуб ва футболчи ўртасидаги муносабатлар футболчига тўланадиган маош билан чекланади. Лекин мен “Динамо”да ўсганман. Мен эса “Динамо”га содиқ қоламан. Футболчилар ўз клубларига содиқ қолишлари керак, фанатик эмас, балки уларнинг ватанпарварлари бўлишлари керак ", деди совет дарвозабони.
Нима бўлиши мумкин эди: 1963 йилда Яшин коммунистик мамлакат дарвозабони сифатида "Олтин тўп"ни қўлга киритди. Қизиқ, Лев Иванович ўз даврининг энг кучли клуби футболкасида сейв қилганида қанча "Олтин тўп" соҳиби бўларди? 1960 йилдан бери "Реал Мадрид" тўққизта Испания чемпионатидан саккизтасида ғалаба қозонди ва 1966 йилда ғалаба қозонгунча икки марта МСК финалида мағлуб бўлди.
Бундан ташқари, айнан 1960 йилда "Реал Мадрид" узоқ муддатли асосий дарвозабон ва жамоа сардори Хуанито Алонсони тарк этган эди. Ўзидан маҳорат бўйича пастроқ бўлган Хосе Виценте Трейн кейинчалик Замора кубогини уч марта қўлга киритди, чунки бутун "Реал Мадрид" ҳимояда яхши ўйнади. Сўнгги чегарада Лев Яшин билан Мадрид клуби Европадаги гегемонлигини яна ўн йилга узайтириши мумкин эди.
Рауль
Трансфер: "Атлетико" ёшлар жамоасидан "Атлетико" катталар жамоасига
Қачон: 1992 йил
у қаерга ўтди: "Реал Мадрид" ёшлар жамоасига
Бу қандай содир бўлганди. 1992 йилда "Атлетико"нинг таниқли президенти Хесус Гиль пулни тежаш мақсадида ёшлар академиясидан қутулишга қарор қилди ва бутун бир гуруҳ иқтидорли болаларни кўчага улоқтирди. 15 ёшли Рауль "Реал Мадрид" мактабига ўқишга борди, бир неча йилдан сўнг у мухлисларнинг кумирига айланди.
Нима бўлиши мумкин эди: Академиянинг фавқулодда тугатилиши билан ҳам Гиль кўп куч ва пул сарфланган болаларни сақлаб қолиш йўлини топа олди. Ижарага олиш, ҳуқуқларни сақлаб қолган ҳолда бошқа мактабга ўтказиш.
Раул албатта "Атлетико" базасига йўл олган бўларди. У "Реал Мадрид"да ҳам туғма иқтидори эмас, балки меҳнат қилиш қобилияти туфайли қолди. "Рауль ўн балга лойиқ эмасди, лекин уни ҳар томонлама саккиз ярим деб баҳолаш мумкин эди", - деб эслайди Фернандо Йерро кейинчалик.
Давоми бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
