Ўзбекистон футбол федерацияси матбуот хизмати 3 июнь куни старт оладиган ЖЧ-2014 IV саралаш босқичи учун спорт журналистларини аккредитациядан ўтказиш жараёни бошланганини маълум қилади.
ЖЧ-2014 IV саралаш босқичида Ўзбекистон миллий терма жамоаси ўз майдонида 4та ўйин ўтказади: Эрон (3 июнь, 2012 йил), Жанубий Корея (11 сентябрь, 2012 йил), Ливан (26 март, 2013 йил), Қатар (18 июнь, 2013 йил). Ушбу беллашувларни стадиондан туриб ёритишни мақсад қилган спорт журналистлари 11-23 май саналари оралиғида media@the-uff.com почта манзилига шахсий маълумотларини жўнатишлари керак бўлади.
Бунинг учун сайтнинг «Хужжатлар» бўлимига ташриф буюриб, «accreditation» файлини юклаб олиш талаб этилади. Мазкур файлда журналист ўзи ҳақидаги маълумотларни тўлиқ кўрсатиши лозим. Унга қўшимча тарзда 3х4 ҳажмдаги фотосурат юқорида кўрсатилган media@the-uff.com почта манзилига жўнатилади.
Ҳар бир спорт журналисти маълумотларни Ўзбекистон футбол федерацияси матбуот хизматига бевосита ўзи тақдим этиши мумкин. Бироқ улар аккредетеациядан ўтказилаётган вақтда журналист фаолият юритаётган ОАВнинг ЎФФ матбуот хизматига нашр бланкасида тақдим этган аризаси инобатга олинади. Яъни, спорт журналисти ЎФФ матбуот бўлимига ўзи ҳақида маълумот жўнатган бўлса-ю, бироқ у фаолият кўрсатаётган ОАВ унинг номини арзида қайд қилмаган бўлса, мазкур журналист аккредитациядан ўтказилмайди.
ЎФФ матбуот хизмати бирор бир ОАВда фаолият кўрсатмаётган freelance (эркин журналист)га қулайлик яратиш мақсадида, улар томонидан юборилган аризаларга ҳам эътибор қаратади ва бунга ишонч ҳосил қилгач журналистни рўйхатдан ўтказади. Қўшимча қилиш лозим, футбол учрашувларига кириш учун журналистлар аккредитациядан ташқари улар учун мўлжалланган сектор учун чиптага ҳам эга бўлишлари керак. Чипталар ЎФФ матбуот хизмати томонидан фақатгина аккредитациядан ўтган журналистларга тақдим этилади.
Аккредитация жараёнини такомиллаштириш мақсадида аризалар фақатгина электрон media@the-uff.com манзили орқали қабул қилинади. «Медиа-канал» орқали аккредитация жараёнини олиб бориш босқичма-босқич йўлга қўйилади.
Қайд этиш керак, ЖЧ-2014 саралаш ўйинлари учун аккредитациялар ЎФФ қошидаги «SoccerPro» корхонасида тайёрланади. Бу иш профессионал тарзда амалга ошиши учун 23 майдан кечиккан аризалар қабул қилинмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
