Stadion.uz нашри Анчелоттининг Европа қитъаси топ-5 лигаларидаги чемпионлик мавсумларини эслади.
30-апрель, шанба куни Мадриднинг "Реал" клуби муддатидан аввал 2021/22 йилги Испания чемпионатида ғолиб чиқди.
“Қироллик клуби“ бош мураббийи Карло Анчелотти Йвропанинг барча бешта йирик чемпионатларида чемпион бўлишга муваффақ бўлган биринчи мураббийга айланиб, ўзига хос ютуқни қўлга киритди. Қуйида у бу натижага эришиш учун қандай йўлни босиб ўтганини кўриб чиқамиз.
“Милан“
Анчелотти илк чемпионлик кубогини ватанида қўлга киритди. 2001 йилда италиялик мутахассис “Милан“ни бошқариб, у ерда дунёнинг энг келажаги порлоқ мураббийларидан бири қиёфасини яратди.
2003 йилда “россонери“ Анчелотти қўл остида Италия кубоги ва Чемпионлар лигасида ғолиб чиқди, А Cерийадаги ғалаба эса кейинги мавсумга қолди.
Карло Анчелотти жамоаси 2003/04 йилги мавсумда рақиблар учун “чақилмас ёнғоқ“ бўлиб чиқди ва 34 тур давомида атиги иккита учрашувда мағлуб бўлди. Шу тариқа, "Милан" "Ювентуc"нинг Италия чемпионатидаги икки йиллик ғалабали cерийасини тўхтатди.
Эътиборлиси, ўшанда украиналик ҳужумчи Андрей Шевченко 24 та гол уриб, чемпионат тўпурарига айланганди. Милан клуби ярим ҳимоячиси Кака мавсумнинг энг яхши футболчиси деб топилди.
“Челси“
2009 йилнинг ёзида италиялик Англияга йўл олди ва у ерда Лондоннинг “Челси“сига бош мураббий этиб тайинланди. Ишининг дастлабки ойларидаёқ Анчелотти пенальтилар cерийасида “Манчестер Юнайтед“ни мағлуб этиб, Англия Суперкубогини қўлга киритди.
“Челси“даги биринчи мавсумида Анчелотти Премьер-лига чемпионлигини қўлга киритди. "Кўклар" драматик тарзда чемпионликни қўлга киритиб, "Манчестер Юнайтед"ни бир очкога ортда қолдирди. Қайд этиш жоиз, италиялик мураббий ҳужумкор жамоа тузиб, Премьер-лига тарихида бир мавсумда 100 дан ортиқ гол урган биринчи жамоани шакллантирси (103 гол).
Эътиборлиси, Анчелотти АПЛда ғолиб чиққан илк италиялик мутахассис бўлди. Шунингдек, у 18 йиллик фаолияти давомида жамоани Премьер-лига чемпионлигига олиб келган тарихдаги бешинчи мураббийга айланди.
Карло Лондон клуби тарихига ўзининг биринчи дублини, Премьер-лигадаги ғалаба ва Англия кубогини қўлга киритган шахс сифатида кирди.
“ПСЖ“
Италиялик мутахассис 2011/12 йилги мавсумда “ПСЖ“ни бошқарганди. Ўшанда Анчелотти жамоаси Франция чемпионатида фақат “Монпелье“дан ортда қолиб, иккинчи ўринни эгаллади.
Кейинги мавсумда Папа Карло бошчилигидаги парижликлар Лига 1да ғалаба қозонишди. У “ПСЖ“ билан чемпионликни қўлга киритиб, турнир жадвалида “Марсел“дан 12 очкога ўзиб кетди.
“Бавария“
2016 йилда Карло Анчелотти Мюнхен жамоаси бош мураббийи сифатида Хосеп Гвардиола ўрнига келганди.
Анъанага кўра, италиялик ўзи иш бошлаган жамоа сафида мамлакат Суперкубогини қўлга киритди. Бу сафар "Бавария" финалда "Боруссия Дортмунд'"ни мағлуб этди (2:0).
Италияннинг Германиядаги дастлабки ўнта ўйини ғалаба билан якунланди, аммо кейин жамоа кичик инқирозга юз тутди ва бу узоқ давом этмади.
Анчелотти ўзининг биринчи мавсумидаёқ “Бавария“ни чемпионликка олиб келди ва иккинчи ўриндаги “Лейпциг“ни 15 очкога ортда қолдирди. Мавсум давомида жами немис гранди иккита ўйинда мағлуб бўлди - Дортмунднинг “Боруссия“си (0:1) ва “Хоффенхайм“ (0:1).
Бошқа турнирларда Анчелотти бошчилигидаги Мюнхен клуби ҳеч нарса ютмаган: Чемпионлар лигасининг чорак финалида мусобақани тарк этиш ва Германия кубоги ярим финалида мағлуб бўлиш билан мавсумни якунлаган.
“Реал Мадрид“
“Реал“га биринчи келишида Анчелотти чемпионликни қўлга кирита олмади, гарчи у икки мавсум жамоани бошқарган бўлса ҳам. Аммо у Чемпионлар лигаси ва Испания кубогини қўлга киритди.
Аммо буюк италиялик Мадрид клубига иккинчи марта келди ва дарҳол чемпионлик унвонини “қаймоқранглилар“ клубига қайтарди. Шу билан бирга, “Реал“ чемпионат тугашидан анча олдин бу совринни ўзи учун кафолатлади, бунга рақобатчиларнинг ёмон ўйинлари ҳам ёрдам берди.
Мадрид клуби Чемпионлар лигасида иштирок этишда давом этмоқда. Турнирнинг 1/2 финалининг илк учрашувида "қаймоқранглилар" "Манчестер Сити"га 3:4 ҳисобида имкониятни бой беришди.
Жавоб учрашуви 4-май, чоршанба куни Мадридда бўлиб ўтади. Учрашув Тошкент вақти билан 00:00да бошланиши белгиланган. Анчелотти жамоаси финалга чиқа оладими, йўқми биргаликда кузатамиз.
Руслан Максимов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
