Клопп бошчилигидаги "Ливерпуль" жорий мавсум супер ўйин кўрсатмоқда. Янгиланаётган рекордлар кўпчиликни ҳайратга соляпти. Қуйида у ҳақида қисқача тўхталамиз.
"Вильярреал" "Ливерпуль" билан уй ўйинининг биринчи бўлимида интригани юқори босқичга кўтарди - тезда икки гол уриб, ҳаммани ҳайратга солди. Бўлим охирига келиб ҳам икки тўп фарқи сақланиб қолган эди. Аммо иккинчи бўлимнинг ярмида меҳмонлар иккита гол билан барчасини ўз жойларига қайтаришди. Бу ерда мақсадлар ва амбициялар "қизиллар"да кўпроқ бўлиб чиқди. Биринчи ўйинда "Ливерпуль" икки дақиқа ичида иккита гол урган эди, бироқ бу ерда бунга бироз кўпроқ вақт керак бўлди ва ҳаммаси танаффусдан кейин кутилмаганда содир бўлди. Ўшанда дарвозабон Жеронимо Руллининг жарима майдончаси ташқарисидаги хатоси "Ливерпул"га ғалаба қозонишга ёрдам берди - Садио Мане бўш дарвозани осонлик билан ишғол этди.
Танаффус давомида шов-шувли “Вильярреал” "Ливерпул"ни мусобақадан чиқариб юборадигандек туюлган эди. Аммо Юрген Клопп жамоаси бунга йўл қўймади. Филиппо Индзаги айтганидек: “Ливерпуль” каби жамоалар доим сенда ҳушёрликни ошириб туради. Улар гол уришингни ҳис қилади ва кейин сени жазолайди”, - дейди Индзаги.
• «Ливерпуль» 5 йил ичида учинчи марта Чемпионлар лигаси финалига чиқди, бунга қадар ҳеч ким бу қадар тез-тез бу ишни такрорламаган. "Ливерпуль" қисқа давр оралиғида дастлаб, финалда 2018 йилда ўйнаган эди. Ўшанда жамоа "Реал"га имкониятни бой берди. Бироқ кейинги йили ғалаба қозонишни уддалади. Бу йил ҳам кубок учун яна бир жиддий қадам ташланди.
"Ливерпуль" клуб тарихидаги 10-Чемпионлар лигаси/Европа кубоги финалини ўтказади - фақат "Реал Мадрид" (16 та), "Бавария" ва "Милан" ( 11 та) "қизиллар"дан кўра кўпроқ ўйин ўтказган. Инглиз клублари орасида эса бу энг яхши кўрсаткич ҳисобланади: бешта финалга эга "МЮ" энг яқин таъқибчи ҳисобланса, "Челси"да учта, "Сити"да эса битта ҳал қилувчи баҳс мавжуд.
• Юрген Клопп фаолиятида тўртинчи марта Чемпионлар лигаси финалига йўл олди, унинг дортмундликлар билан “Бавария”га мағлуб бўлгани кўпчиликнинг ёдида бўлса керак. Айни дам немис мураббийи Чемпионлар лигаси финалига чиқиш бўйича Марчелло Липпи, Алекс Фергюсон ва Карло Анчелотти билан тенглашиб олди - аммо чоршанба куни италиялик ўзининг бешинчи финалини ўтказиш имкониятига эга. Ҳозирда Клопп бир мавсумда учта кубок финалига чиққан биринчи мураббийга айланди. Чемпионлар лигаси, Англия кубоги ва лига кубоги (аллақачон ғалаба қозонилган). Дарҳақиқат, "Ливерпуль" бир мавсумда учта финалга чиққан тарихдаги биринчи инглиз клуби ҳамдир.
“Ливерпуль” ушбу Чемпионлар лигасида меҳмондаги барча ўйинларда ғалаба қозонди. Бироқ "Вильярреал" билан биринчи бўлимдан кейин ушбу серияни давом эттиришга умид камдек туюлганди, аммо жамоа барибир 100% ғалаба қозонди.
• Испаниядаги ўша учта гол орқали "Ливерпуль" барча мусобақалар доирасида 139 та гол билан клуб тарихидаги бир мавсумда энг яхши гол уриш бўйича рекорд ўрнатди. Олдинда яна олтита ўйин бор: Премьер-лиганинг тўртта тури, Англия кубоги финали ва Чемпионлар лигаси финали турибди. Ушбу ўйинларда Клопп ва унинг жамоаси янада кўплаб рекордларни қайд этиши кутилмоқда. Биз эса "Ливерпул"га омад тилаб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
