Кеча "Ливерпуль" жуда қийин баҳсда "Тоттенхэм" билан дуранг ўйнади - 1:1.
Аммо Клопп жамоаси учун бу дурангни мағлубиятдан унчалик фарқ қилмас натижага йўйиш мумкин. Чунки, "қизиллар" чемпионлик учун кураш пойгасининг энг муҳим палласида очко йўқотишди. Энди "Ливерпуль" очколар бўйича "Ман Сити"га тенглашиб олди, лекин бир ўйин кўпроқ ўтказишган. Чемпионлик тақдири аллақачон Гвардиоланинг қўлида. Аммо энди бу устунлик янада ишончлироқ бўлиши мумкин: бугун «Сити» «Ньюкасл»ни мағлуб этиб, жамоа аллақачон уч очкога рақибидан олдинга чиқиб кетди.
• Бу воқеаларга асосий сабабчи сифатида "Ман Сити" Антонио Контенинг "Тоттенхэм" жамоасига миннатдорчилик билдириши керак. Кеча "шпорлар" "Энфильд"да ажойиб ўйин кўрсатди ва ҳатто ғалаба қозониши ҳам мумкин эди - аммо Пьер-Эмиль Хёйбьергга бутун ўйин давомида омад кулиб боқмади: биринчи бўлимда даниялик футболчи рақиб дарвозабонига анча қийинчилик туғдирди. Аммо бунинг фойдаси бўлгани йўқ.
• Жамоадошининг омадсизлиги Сон Хён Миннинг ҳаракатларига ҳам соя солди. Гарчи кореялик ўйинда гол урган бўлса-да, бунданда фойдали ҳаракатлар қила олиши мумкин эди. Умуман олганда, Сон жорий мавсумда аллақачон 20 та гол урган. Бу борада Салоҳга етиб олиш учун атиги иккита гол қолган. Шу билан бирга мисрлик футболчи голларининг бештасини пеналтидан урган. Сонда эса умуман бунақа бонус йўқлигини ҳам алоҳида таъкидлаш керак.
Тўпни олишлари билан "шпорлар" уни Кейнга беришади, у эса Сонни қийинчиликларсиз топиб олади. Бу иккала футболчи бир-бирларини шу қадар яхши тушунишадики, ҳужум қандай ривожланишини олдиндан ҳис қилиб туришингиз мумкин. Бу худди навигатор ўрнатилган телефонга ўхшайди, у оёғига тўп тушиши билан Сонни топиб олади. Бу ҳайратланарли", - дейди Клопп ўйиндан олдин корейсни мақтаб, бироқ немис мутахассисига ёрдам бермади.
• "Ливерпуль" Премьер-лигада 13 учрашувдан буён илк бор ўз уйида ғалаба қозона олмади. Жамоа охирги марта 30 октабрь куни “Энфильд”да “Брайтон”га қарши ўйинда (2:2) очко йўқотган эди. Ўшандан бери Клопп шогирдлари кетма-кет 12 та ғалабага эришиб, умумий 35:2 ҳисобидаги тўплар фарқини юзага келтиришган.
• «Ливерпул»нинг 6 ўйиндан иборат ғалабали серияси тугади. Клопп шогирдлари Премьер-лигада сўнгги бор 10 апрель куни «Сити»га қарши ўйинда ғалаба қозона олмаган, декабр охирида «Лестер»га ютқазган эди.
"Вильярреал" устидан қозонилган ғалабадан сўнг, "Ливерпуль" мухлислари ва футболчилари бу мавсумда биринчи марта тўртта соврин ҳақида гапиришни бошлаб юборишди, уларда бунга бўлган ишонч ошиб кетди. Бироқ орадан уч кун ўтар ўтмас квадрупл ҳақидаги ўйлар пучга чиқмоқда. Бироқ шошилишга ҳали эрта.
«Сити» ва «Ливерпул»нинг тақвими тахминан тенг: иккаласи ҳам «Вулвз» ва «Астон Вилла» билан ўйнашлари керак. Аммо Пепни яна бир синов кутмоқда - Мойеснинг "Вест Хэм"и.
Эҳтимол, мўъжиза ҳали ҳам мумкиндир?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
