Ла-лига ва ЕЧЛ бош соврини яна бир бор «Сантиагу Бернабеу»га йўл олгач, айтиш мумкинки, «Реал» учун 2021-22 йилги мавсум ажойиб ўтди. Карло Анчелотти шогирдлари яна бир тарихий давр яратувчисига айланди. Эндиликда, жамоа футболчилари ва мураббий кейинги йил ҳақида ўйлай бошлади. Қуйида футболчиларининг эътирофга лойиқ вакиллари ҳақида гап боради.
Мавсум ўйинчиси – Бензема
«Реал»нинг фантастик натижаларида энг катта ўринни Карим Бензема эгаллайди. Тез орада француз ҳужумчиси «Олтин тўп»га эга чиқса ҳам ажаб эмас. Ўтган вақт давомида Бензема ишониб бўлмайдиган натижаларга эришди. 46 та ўйинда майдонга тушиб, 15 та ассист ҳамда 46 та гол уриш, қолаверса, иккита соврин ютиш – мукаммалик белгиси. У «Реал»да йил футболчиси деб топилди. Яқин келажакда эса бир нечта индивидуал совринлар, уни кутмоқда.
Мавсум голи – Бензема («Атлетик Билбао»га қарши)
Ҳа, бу аспкетда кўплаб номзодлар бор эди. Бироқ Бензема яна ғолиб бўлди. Ҳужумчининг энг чиройли голи мавсумники ҳам бўла олади. Декабрь ойида Бензема «Атлетик» дарвозасини чиройли равишда ишғол қилганди.
Мавсум трансфери – Эдуардо Камавинга
Камавинга ҳамда Алаба ўзларининг дебют мавсумидаёқ муваффақият қозона олди. Аслида Алаба бу номга мосроқ эди. Бироқ Камавинганинг келажаги ҳам ҳисобга олинади. У клубга келаётган мавсумларда ҳам катта ёрдам бериши мумкин. 30 миллион фунтга харид қилинган ёш ярим ҳимоячи, ўзига сарфланган пулни оқлади дейиш мумкин. Камавинга захира варианти сифатида жамоага кўп асқотди. ЕЧЛда эса айрим баҳсларда сенсацион даражада ҳаракат қилди.
Мавсум ўйини – «Манчестер Сити» билан
ЕЧЛнинг ярим финал баҳслари ажойиб кечди. Айниқса, «Реал» ҳамда «Манчестер Сити» ўртасидаги иккинчи давра ўйини, тарихдаги энг ажойиби сифатида абадий эсланади. Чунки унда «Реал» иложсиз вазиятдан чиқиб кета олган эди. 90 дақиқадан кейин урилган икки гол экстра-таймларни кўриш учун етарли бўлганди. Карим Бенземанинг пенальтидан муваффақиятли фойдаланиши эса «Реал»ни финалга олиб чиқди. Бу эса мутлақо кутилмаган ҳолат эди.
Энг яхши ўсишга эришган футболчи – Vini JR
Яна бир осон ва ҳаққоний танлов. Винисиус 12 ой ичида умидли ва истеъдодли футболчидан суперюлдуз даражасига кўтарила олди. Ҳужумчи ўзини босиқ тутишни ўрганиб олди. Бунинг натижасида эса вазиятларни совуққонлик билан якунлай бошлади. Бразилия терма жамоаси аъзоси мавсум давомида жами 22 та голга муаллифлик қилган. Эътиборлиси шундаки, Вини «Реал» сафидаги дастлабки 118 та ўйинда 14 та гол урганди. Бир мавсумда эса бу натижани икки баравар кўтара олди. Шубҳасиз, «қироллик клуби» яқин орада унга янги битим таклиф этади!
Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
