La-liga va YECHL bosh sovrini yana bir bor «Santiagu Bernabeu»ga yo‘l olgach, aytish mumkinki, «Real» uchun 2021-22 yilgi mavsum ajoyib o‘tdi. Karlo Anchelotti shogirdlari yana bir tarixiy davr yaratuvchisiga aylandi. Endilikda, jamoa futbolchilari va murabbiy keyingi yil haqida o‘ylay boshladi. Quyida futbolchilarining e’tirofga loyiq vakillari haqida gap boradi.
Mavsum o‘yinchisi – Benzema
«Real»ning fantastik natijalarida eng katta o‘rinni Karim Benzema egallaydi. Tez orada fransuz hujumchisi «Oltin to‘p»ga ega chiqsa ham ajab emas. O‘tgan vaqt davomida Benzema ishonib bo‘lmaydigan natijalarga erishdi. 46 ta o‘yinda maydonga tushib, 15 ta assist hamda 46 ta gol urish, qolaversa, ikkita sovrin yutish – mukammalik belgisi. U «Real»da yil futbolchisi deb topildi. Yaqin kelajakda esa bir nechta individual sovrinlar, uni kutmoqda.
Mavsum goli – Benzema («Atletik Bilbao»ga qarshi)
Ha, bu aspketda ko‘plab nomzodlar bor edi. Biroq Benzema yana g‘olib bo‘ldi. Hujumchining eng chiroyli goli mavsumniki ham bo‘la oladi. Dekabr oyida Benzema «Atletik» darvozasini chiroyli ravishda ishg‘ol qilgandi.
Mavsum transferi – Eduardo Kamavinga
Kamavinga hamda Alaba o‘zlarining debyut mavsumidayoq muvaffaqiyat qozona oldi. Aslida Alaba bu nomga mosroq edi. Biroq Kamavinganing kelajagi ham hisobga olinadi. U klubga kelayotgan mavsumlarda ham katta yordam berishi mumkin. 30 million funtga xarid qilingan yosh yarim himoyachi, o‘ziga sarflangan pulni oqladi deyish mumkin. Kamavinga zaxira varianti sifatida jamoaga ko‘p asqotdi. YECHLda esa ayrim bahslarda sensasion darajada harakat qildi.
Mavsum o‘yini – «Manchester Siti» bilan
YECHLning yarim final bahslari ajoyib kechdi. Ayniqsa, «Real» hamda «Manchester Siti» o‘rtasidagi ikkinchi davra o‘yini, tarixdagi eng ajoyibi sifatida abadiy eslanadi. Chunki unda «Real» ilojsiz vaziyatdan chiqib keta olgan edi. 90 daqiqadan keyin urilgan ikki gol ekstra-taymlarni ko‘rish uchun yetarli bo‘lgandi. Karim Benzemaning penaltidan muvaffaqiyatli foydalanishi esa «Real»ni finalga olib chiqdi. Bu esa mutlaqo kutilmagan holat edi.
Eng yaxshi o‘sishga erishgan futbolchi – Vini JR
Yana bir oson va haqqoniy tanlov. Vinisius 12 oy ichida umidli va iste’dodli futbolchidan superyulduz darajasiga ko‘tarila oldi. Hujumchi o‘zini bosiq tutishni o‘rganib oldi. Buning natijasida esa vaziyatlarni sovuqqonlik bilan yakunlay boshladi. Braziliya terma jamoasi a’zosi mavsum davomida jami 22 ta golga mualliflik qilgan. E’tiborlisi shundaki, Vini «Real» safidagi dastlabki 118 ta o‘yinda 14 ta gol urgandi. Bir mavsumda esa bu natijani ikki baravar ko‘tara oldi. Shubhasiz, «qirollik klubi» yaqin orada unga yangi bitim taklif etadi!
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
