Хави ёзда «Барселона»да жиддий ўзгаришлар амалга оширмоқчи.
Яқин соатлар ичида Хави ва клуб президенти Хоан Лапорта жамоани қайта қуриш масаласини муҳокама қилади. Мураббий 8 нафар янги футболчи харид қилиниши ва 10—12 нафар футболчини сотиб юборишни талаб қилиши кутиляпти, дея хабар қилмоқда Diario Sport.
Учрашувда «Барселона» директори Матеу Алемани, клуб президенти маслаҳатчиси Йорди Кройфф ва «Барселона» вице-президенти Рафа Юсте иштирок этади.
Хави қанот ҳимоячилари Сесар Аспиликуэта ва Маркос Алонсо, марказий ҳимоячи Андреас Кристенсен, ярим ҳимоячилар Франк Кессиэ ва Рубен Невеш, вингер Рафинья, ҳужумчи Роберт Левандовскини ўз жамоасида кўрмоқчи.
Ушбу футболчиларнинг айримлари билан музокаралар аллақачон бошланган. Хусусан, «Барселона»га эркин агент сифатида ўтаётган Франк Кессиэ ва Андрес Кристенсен билан. Айрим футболчиларнинг клублари билан музокара ўтказилмоқда. Масалан, Сесар Аспиликуэта ва Маркос Алонсо. Иккала ҳимоячи ҳам ҳозирда «Челси» шарафини ҳимоя қилади. Қолган трансферлар эса каталонларнинг молиявий имкониятларига қараб амалга оширилади.
Директорлар кенгаши йиғилишида «Барселона» янги харид қилинадиган футболчиларни рўйхатга олиш имкони бўлиши учун клубнинг молиявий ҳолатини яхшилайдиган ва молиявий фейр-плей қоидаларига риоя қилиш билан боғлиқ вазиятни ўзгартирадиган чоралар кўришни режалаштирмоқда.
Хави ўзи ишонмаётган футболчилар билан аллақачон гаплашиб олган. Мутахассис дарвозабон Нето, ҳимоячилар Самуэль Умтити, Оскар Мингеса, Клеман Лангле, ярим ҳимоячи Рики Пуч, вингер Адама Траоре, ҳужумчилар Мартин Брэйтуэйт ва Люк де Йонг билан шахсан ўзи учрашган.
Траоре ва де Йонг билан ижара шартномаси тугатилиб улар ўз жамоаларига қайтарилади. Бири «Вулверҳэмптон» шарафини ҳимоя қилган бўлса, яна бирининг трансфер ҳуқуқи «Севилья»га тегишли.
«Барселона» таркибида келажаги номаълум бўлиб қолаётган 4 нафар футболчи бор. Улардан бири шартномаси якунига етаётган Усмон Дембеле. Француз ҳозирча янги шартнома имзолагани йўқ. Шунингдек, «кўк-анорранглилар» Френки де Йонг, Мемфис Депай ва Сержиньо Дест борасида қизиқарли таклиф тушса, уларни кўриб чиқишга тайёр.
Хави кутилаётган йиғилишда ушбу режаларни Лапортага тақдим этади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
