Xavi yozda «Barselona»da jiddiy o‘zgarishlar amalga oshirmoqchi.
Yaqin soatlar ichida Xavi va klub prezidenti Xoan Laporta jamoani qayta qurish masalasini muhokama qiladi. Murabbiy 8 nafar yangi futbolchi xarid qilinishi va 10—12 nafar futbolchini sotib yuborishni talab qilishi kutilyapti, deya xabar qilmoqda Diario Sport.
Uchrashuvda «Barselona» direktori Mateu Alemani, klub prezidenti maslahatchisi Yordi Kroyff va «Barselona» vise-prezidenti Rafa Yuste ishtirok etadi.
Xavi qanot himoyachilari Sesar Aspilikueta va Markos Alonso, markaziy himoyachi Andreas Kristensen, yarim himoyachilar Frank Kessie va Ruben Nevesh, vinger Rafinya, hujumchi Robert Levandovskini o‘z jamoasida ko‘rmoqchi.
Ushbu futbolchilarning ayrimlari bilan muzokaralar allaqachon boshlangan. Xususan, «Barselona»ga erkin agent sifatida o‘tayotgan Frank Kessie va Andres Kristensen bilan. Ayrim futbolchilarning klublari bilan muzokara o‘tkazilmoqda. Masalan, Sesar Aspilikueta va Markos Alonso. Ikkala himoyachi ham hozirda «Chelsi» sharafini himoya qiladi. Qolgan transferlar esa katalonlarning moliyaviy imkoniyatlariga qarab amalga oshiriladi.
Direktorlar kengashi yig‘ilishida «Barselona» yangi xarid qilinadigan futbolchilarni ro‘yxatga olish imkoni bo‘lishi uchun klubning moliyaviy holatini yaxshilaydigan va moliyaviy feyr-pley qoidalariga rioya qilish bilan bog‘liq vaziyatni o‘zgartiradigan choralar ko‘rishni rejalashtirmoqda.
Xavi o‘zi ishonmayotgan futbolchilar bilan allaqachon gaplashib olgan. Mutaxassis darvozabon Neto, himoyachilar Samuel Umtiti, Oskar Mingesa, Kleman Langle, yarim himoyachi Riki Puch, vinger Adama Traore, hujumchilar Martin Breytueyt va Lyuk de Yong bilan shaxsan o‘zi uchrashgan.
Traore va de Yong bilan ijara shartnomasi tugatilib ular o‘z jamoalariga qaytariladi. Biri «Vulverhempton» sharafini himoya qilgan bo‘lsa, yana birining transfer huquqi «Sevilya»ga tegishli.
«Barselona» tarkibida kelajagi noma’lum bo‘lib qolayotgan 4 nafar futbolchi bor. Ulardan biri shartnomasi yakuniga yetayotgan Usmon Dembele. Fransuz hozircha yangi shartnoma imzolagani yo‘q. Shuningdek, «ko‘k-anorranglilar» Frenki de Yong, Memfis Depay va Serjinyo Dest borasida qiziqarli taklif tushsa, ularni ko‘rib chiqishga tayyor.
Xavi kutilayotgan yig‘ilishda ushbu rejalarni Laportaga taqdim etadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
