Стерлинг 2023 йилда эркин агентга айланади. Афтидан "Манчестер Сити" унга янги битим таклиф этиш ниятида эмас. Шу сабаб ҳужумчи янги жамоага кўчиши мумкин. Биз эса унинг манзили қаер бўлишини тахмин қилиб кўрамиз. Демак, бошладик!
"Барселона"
Ҳа, каталон клуби Стерлингнинг энг яқин таъқибчиларидан бири саналади. "Барселона" уни январь ойидаёқ сотиб олмоқчи эди. Агар Стерлинг кетишни истаса, бемалол Испанияга йўл олиши мумкин. Чунки "Барса" бир қатор ҳужумчиларини ёзда қўйиб юборади. Улар ичида Дембеле, Брейтуэйт, Депай ҳамда Траорелар бор. Шундай экан, Стерлингга жамоада жой топилади. Ҳархолда, тарихда ҳам "Барселона" кўплаб инглиз ҳужумчилари учун севимли жой бўлган.
"Реал Мадрид"
Килиан Мбаппедан айрилгач, "қироллик клуби" янги ҳужумчи сотиб олиш борасида бош қотириши лозим. Стерлинг эса ўша футболчи бўлиши мумкин. Ҳа, Стерлинг балки Мбаппенинг даражасида эмасдир. Аммо у исталган жамоага осон мослаша олади. Ўйлаймизки, Раҳим учун Мадриддаги ҳаёт қийин бўлмайди.
"Бавария"
Шу кеча-кундузда "Бавария"дан кўра кўпроқ янгилик тақдим этаётган жамоани топиш қийин. Роберт Левандовскининг кетиши фонида, кўплаб ҳужумчилар жамоага талпиниши турган гап. Шулардан бири "Ливерпуль" вакили Садио Манедир. Аммо Стерлинг Манега қараганда қулай ва арзон вариант ҳисобланади.
"Арсенал"
Лондон шаҳрига қайтиш, собиқ "ҚПР" футболчиси учун яна бир йўлдир. Лекин у бу сафар пойтахтнинг каттароқ ва машҳурроқ жамоасида ўйнаш имконига эга бўлади. Микель Артета "Ман Сити" ҳамда Гвардиола билан илиқ муносабатларга эга. Шундай экан, Стерлинг учун "Арсенал"га ўтиш қийин кечмайди (агар буни ўзи ҳохласа, албатта). "Тўпчилар"га анчадан бери янги ҳужумчи зарур бўлиб турибди. Стерлинг эса муҳтожликни йўқ чиқариши мумкин.
"Челси"
Жамоанинг Ромелу Лукаку ҳамда Тимо Вернер билан боғлиқ режалари иш бермади. Бу икки футболчи ҳам ёзда ўзга жамоага йўл олиши мумкин. Уни ўрнини босиш учун эса янги харид зарур. Тодд Бёли буни жуда яхши билади. "Челси"да бу борада вариантлар жуда ҳам кўп эмас. Шундай экан, Стерлинг жамоанинг муаммоларини ҳали қилиши мумкин.
"Ливерпуль"
Нима деб ўйлайсиз, бу содир бўлиши мумкинми? Айни дамда Садио Мане жамоадан кетмоқчи, Муҳаммад эса янги битим тузишга шошилмаяпти. Шундай бир пайтда Клопп захира варианти сифатида ҳеч бўлмаса битта янги ҳужумчи харид қилиши керак бўлади. Бу эса жамоанинг собиқ вакили Стерлинг бўлиши мумкин. Жаҳон футболида бундай воқеалар кўп кузатилади. Шу сабаб, Стерлингнинг "Ливерпуль"га қайтишини инкор эта олмаймиз.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
