Неймарда ҳам пасайиш кузатилди, аммо “Атлетико” ярим ҳимоячиларининг нархида катта “синиш” бор
Биз Трансфермаркт порталидаги футболчиларнинг янгиланган нархларини ўрганишда давом этамиз. Биз кеча Европада нархи энг кўп ошган чарм тўп усталари ҳақида гапирган эдик. Энди навбат нархида кескин пасайиш бўлган ўйинчилар ҳақида тўхталмоқчимиз.
Нархи тушиш борасида чемпион — "Атлетико"
Диего Симеоне жамоаси аввалги йилдаги муваффақиятдан сўнг, чемпионлигини ҳимоя қила олмади. Уларда ҳам худди "Барселона"да бўлгани каби катта инқироз кузатилди. Йўқ, мадридликларда молиявия қийинчиликлар эмас, аксинча жароҳатлар борасида муаммоларга кузатилди. Буларнинг барчаси асосий ўйинчиларнинг нархига жиддий таъсир қилди. Ярим ҳимоячилар Маркос Льоренте ва Коке трансфер суммасида кескин пасайиш бўлган футболчилар орасида биринчи ўринни эгаллашди – иккаласи ҳам 35 миллион еврога арзонлади.
“Барселона” хавбеки Френки де Йонг ҳам кучли учликка кирди. Нидерландиялик футболчининг нархи "Барселона"га боришидан олдин кўтарилаётган эди, аммо каталонияликлар сафига ўтгач, унинг трансфер суммасида пасайиш бошланди. Хави бош мураббий этиб тайинлангач, у умуман асосий таркибдаги ўрнини йўқотди. Ҳозирда клуб уни сотиш ҳақида ўйламоқда. Олдин 90 миллион еврога баҳоланган футболчи, энди 30 миллион еврога арзонлашди. Ҳозирда Френкининг бозор қиймати 60 миллионни ташкил қилади.
Месси ва Неймарнинг нархида ҳам “қулаш” бўлди, Азар эса Шомуродовдан сал қимматроқ
“ПСЖ” ҳужум учлигидан фақат Килиан Мбаппе кундан-кунга қимматлашмоқда. Буни ёш билан изоҳлаш мумкин, аммо барибир бу баҳона бўлмайди: Лео Месси ва Неймарнинг қиймати анча пасайган. Аргентиналик футболчининг нархи 30 миллион еврога, бразилияликнинг нархи 25 миллион еврога тушиб кетди. Гап нафақат ёшда, балки... Месси “Барселона”дан Париж клуби сафига кўчиб ўтганидан сўнг, омадсиз мавсум ўтказди (6+14). Шунинг учун аргентиналик форварнинг нега арзонлашганини тушуниш мумкин. Неймар эса ўтган йилги билан солиштирганда яхшироқ мавсум ўтказди, лекин Чемпионлар лигасида биз уни йўқотиб қўйдик (олтита ўйинда атиги иккита голли узатма).
Лекин энг катта пасайиш Эден Азарда бўлди. Бир неча йил олдин бельгиялик дунёнинг энг яхши ўйинчиларидан бири эди, кейин 115 миллион евро эвазига "Реал"га ўтди ва бу мавсумда унинг қиймати 70 фоизга тушиб кетди. Энди Азарни ҳар қандай клуб ҳам ўз сафига қўшиб олиши мумкин. Чунки унинг янги баҳоси 12 миллион еврони ташкил қилади.
Маълумот ўрнида, Ўзбекистон терма жамоаси ва “Рома” футболчиси Элдор Шомуродовнинг нархи ҳам тушиб кетди. Ўтган ёзда “Женоа”дан 14 миллион евро эвазига Рим клубига кўчиб ўтган легионеримиз янгиланган нархларда 8 миллион еврога баҳоланди. Унинг олдинги нархи эса 10 миллионни ташкил қилар эди.
Нархида кескин пасайиш кузатилган 20 нафар футболчининг тўлиқ рўйхати:
“Барселона” ва “Атлетико” бу ерда “қирол”.
- Маркос Льоренте («Атлетико») — € 45 млн (35 млн еврога арзонлашган)
- Коке («Атлетико») — € 25 млн (- € 35 млн)
- Френки де Йонг («Барселона») — € 60 млн (- € 30 млн)
- Лионель Месси («ПСЖ») — € 50 млн (- € 30 млн)
- Каземиро («Реал») — € 40 млн (- € 30 млн)
- Марк-Андре тер Штеген («Барселона») — € 30 млн (- € 30 млн)
- Антони Марсьяль («Манчестер Юнайтед»/«Севилья») — € 16 млн (- € 29 млн)
- Эден Азар («Реал») — € 12 млн (- € 28 млн)
- Неймар («ПСЖ») — € 75 млн (- € 25 млн)
- Ян Облак («Атлетико») — € 45 млн (- € 25 млн)
- Антуан Гризманн («Атлетико») — € 35 млн (- € 25 млн)
- Кристиан Эриксен («Брентфорд») — € 15 млн (- € 25 млн)
- Тимо Вернер («Челси») — € 42 млн (- € 23 млн)
- Лоренцо Инсинье («Наполи») — € 25 млн (- € 23 млн)
- Стефан де Врей («Интер») — € 28 млн (- € 22 млн)
- Артур («Ювентус») — € 18 млн (- € 22 млн)
- Гарри Кейн («Тоттенхэм») — € 100 млн (- € 20 млн)
- Жейдон Санчо («Манчестер Юнайтед») — € 80 млн (- € 20 млн)
- Усман Дембеле («Барселона») — € 30 млн (- € 20 млн)
- Тангай Н’Домбеле («Тоттенхэм» / «Лион») — € 30 млн (- € 20 млн)
Кейн, Санчо, Дембеле ва Н’Домбеле билан биргаликда Альваро Мората («Атлетико Мадрид»/«Ювентус», 25 миллион евро), Марсель Забитцер («Бавария», 22 миллион евро) ва Тони Кроос (20 миллион евро) каби футболчилар ҳам 20 миллион еврога арзонлашганини айтиб ўтиш керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
