«Челси» трансферидаги муваффақиятсизлик
Ромелу Лукакунинг «Челси»даги иккинчи қайтишиҳам кутилмаган, ҳам кутилган бўлди. Биринчидан, ҳужумчи «Интер»га қайтишни шунчалик хоҳлардики, «come back» муқаррар эканини тушуниб, кўз ёшларини тия олмади. Иккинчидан, катта сумма эвазига Лондон клубига ўтганидан сўнг, яна Миланга қайтиб келиши кутилмаган бўлди.
«Goal.com» журналисти Низар Кинселла (асосан «Челси» ҳақида ёзади) келишув келаси ҳафта расман эълон қилиниши ҳақида хабар қилди. Маълумотларга кўра, клублар ҳамма нарсада келишиб олган. Инсайдер Фабрицио Романонинг сўзларига кўра, миланликлар мавсумий ижара учун 8 миллион евро ва қўшимча бонуслар тўлайди. Битимга сотиб олиш мажбуриятини қиритилмаган.
«Sky Sports» нашрининг ёзишича, бу трансфер учун Лукаку маошни 30 фоизга - 10 миллион фунтдан 7 миллион фунтгача камайтиришга рози бўлган. Гарчи аввалроқ клуб президенти Стивен Чжан футболчининг маошини ҳаммасини тўлашдан бош торган бўлса-да, «Интер» Ромелунинг бутун иш ҳақини ўз зиммасига олган.
«Челси»нинг янги хўжайини Тодд Боэли музокараларда фаол иштирок этди. У клуб спорт директори Марина Грановскаянинг кетиши эълон қилинганидан кейин Лукаку трансферида ўзи қатнашишга мажбур бўлди.
Лукаку «Интер»га қайтишни истаган ва Тухелни танқид қилган
Лукаку - ўтган ёзнинг энг йирик трансферларидан бири. «Челси» унинг учун 115 миллион евро тўлаган, бу «Ман Сити» Жек Грилиш учун тўлаган (117,5 миллион евро) пулдан бироз камроқ. Бу эса тарихдаги энг йирик трансферлар рўйхатининг 7 талигига кирган. Бундан ташқари, Ромелу фаолиятидаги барча трансферлар суммаси бўйича тарихдаги энг қиммат футболчига айланди. Бу вақтга келиб турли хил клублар бельгиялик форвардни сотиб олиш учун 327 миллион евро сарфлаган.
Бельгиялик «Интер» чемпионлигининг асосий юлдузи эди (барча мусобақаларда 44 ўйинда 30 + 10). У ўтган йили Миландан кетишни хоҳламади, лекин унга таклиф қилинган миқдор жуда катта бўлиб чиқди. Қолаверса, Италия клуби молиявий муаммоларга дуч кела бошладилар, шу сабабли Антонио Конте ва яна бир қанча юлдузларни қўйиб юборишга мажбур бўлди.
18 ёшли Лукаку биринчи марта 2011 йилда Лондон клубида ўйнаган. Аммо у 15 учрашувда битта ҳам гол ура олмаган. Бироқ, унинг «Стэмфорд Бриж»га иккинчи ташрифидаги дебют голи учун 15 дақиқа керак бўлди. У «Арсенал»га қарши ўйинда «аристократлар» сафидаги илк голини урди. 3-турга келиб, бельгиялик футболчи «Астон Вилла» дарвозасига дубл қайд этди.
Аммо кейин муаммолар бошланди. Лукаку декабргача ҳеч қандай ҳаракатлари билан ажралиб турмади, кейин эса кутилмаганда «бомба» интервьюси билан ўзини эслатиб қўйди. Йил охирида ҳужумчи «Sky Sport Italia» нашри билан бўлган суҳбатда Тухель қўллаётган ўйин тактикаси унга мос келмаслигини айтди. Худди шу ўринда бельгиялик футболчи «Интер»га муҳаббатини тан олди ва қачондир Миланга қайтишини айтди (!). Интервьюдан сўнг Тухель ҳужумчини «Ливерпуль»га қаршиўйин қайдномасиданчиқариб ташлади. Кейинроқ Ромелу узр сўради ва жамоага қайтди, аммо у клубга бегонадек бўлиб қолди.
Лондонликлар кўпинча ҳужумчиларсиз яхшироқ ўйнашди. Бельгиялик футболчи барча мусобақалар доирасидаги 44 та ўйинда 15 та голни ўз номига ёздириб қўйган бўлса, АПЛда 8 та гол уришни уддалади.
Март ойида Лукаку «Интер»га қайтиши мумкинлиги ва бунинг учун маошини қисқартиришга ҳам тайёрлиги ҳақида маълумот пайдо бўлди. Афтидан, Лукаку Милан клубига ўтишни шунчалик ҳоҳлаганки, кейинчалик унинг «Интер»га қайтаётгани ҳақида инсайдлар ҳам пайдо бўлди.
Ёз келди ва Лукаку А серияга қайтишга яқин турибди. Лондонликлар у учун ҳафтасига 325 000 фунт стерлинг миқдоридаги катта маош беришдан қутулмоқчи, бироқ ўтган йилги Лукаку трансфери учун (йилига 20 миллион фунт) «Интер»га пул тўлашда давом этади. Шу билан бирга, «Челси»нинг янги хўжайинлари янги форвардбилан шартнома имзолашни мақсад қилган Тухелни тўлиқ қўллаб-қувватламоқда. «The Telegraph» нашри хабарига кўра, клуб қуйидаги футболчиларни сотиб олмоқчи: Рахим Стерлинг («Ман Сити») ва Кристофер Нкунку («РБ Лейпциг»). Усмон Дембеле («Барса»).
Бу вақтда эса «La Gazzetta dello Sport» нашримуқоваси қуйидаги сўзлар пайдо бўлди: «Интер», мен сени соғиндим»
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
