Суперлига. АГМК - «Насаф»: превью
Бугун, 26 июнь — ҳафтанинг якшанба куни. Дам олиш ва ҳордиқ чиқариш баробарида барчани ажойиб футбол ўйинига таклиф этамиз.
Олмалиқдаги ОКМК спорт мажмуасида АГМК клуби Қаршининг "Насаф" жамоасини меҳмон қилади. Суперлига доирасидаги 3-турнинг қолдирилган ўйини бугун соат 20:00да старт олади.
Рўзиқул Бердиев бошқарувидаги жамоа айни пайтда ички чемпионатда қолган жамоаларга нисбатан 2та кам ўйин ўтказган ҳолда пешқадамдан 4 очко кам жамғарган ва жадвалда 6-ўринда бормоқда.
АГМК эса 3-ўринда ва пешқадамдан 3 очко кам тўплаган. Бўлажак ўйиндаги эҳтимолий ғалаба жамоамизни 13-тур олдидан пешқадамга айлантириши мумкин.
Ушбу жамоаларнинг ўзаро ўйинлари тарихи анча қизиқ. Чемпионат доирасида жами 30 учрашув ўтказилган. Устунлик "Насаф" томонида. Қаршиликлар 14 ғалабага эга. АГМК эса 5 маротаба ғалаба қозонган. Қолган 11 баҳсда эса дуранг қайд этилган.
Бу икки жамоани Ўзбекистоннинг энг кучли ва номдор мураббийлари Миржалол Қосимов ва Рўзиқул Бердиев бошқаради.
Ушбу мутахассисларнинг Ўзбекистон чемпионати доирасидаги ўзаро ўйинлари ҳақида тўхталадиган бўлсак, олмалиқликлар устози Миржалол Қосимов ҳамкасби Рўзиқул Бердиев билан 12 маротаба учрашган. Ўтказилган учрашувларнинг 7тасида Миржалол Қосимов ғалабани тантана қилган. Рўзиқул Бердиев эса Қосимовни чемпионат доирасида фақатгина 3 маротаба мағлуб этган. Қолган 2 ўйинда эса дуранг бўлган. Ушбу икки дуранг ўтган мавсумда Олмалиқ ва Қаршидаги ўйинларда қайд этилганди.
Қосимов ва Бердиев АГМК ва "Насаф" рулида жами барча мусобақаларда 8 марта тўқнашишган ва ҳар иккала мутахассисда бу борадаги кўрсаткич тенг: 3тадан ғалаба ва 2 дуранг.
Бўлажак ўйинни бошқариш масъулияти тажрибали ФИФА ҳаками Ильгиз Танташевга ишониб топширилди. Шунингдек, марказий ўйинда табиийки VAR тизими ишлайди ва унга Азиз Асимов масъул этиб тайинланган. Ҳакамлар назоратчиси эса Игорь Нехочин.
Хуллас, бугун ажойиб футбол оқшоми бўлиши кутилмоқда. Барча футболга меҳри бўлакча ишқибозларни Олмалиқдаги ОКМК спорт мажмуасига таклиф этамиз ва 20:00да бошланажак ўйинда ҳамма мухлисларни кутамиз.
Ўйин чиптаси стадион атрофидаги кассаларда 5 ва 10 минг сўмдан сотилмоқда.
Суперлига, 3-турнинг қолдирилган ўйини.
26 июнь, якшанба.
АГМК — "Насаф" (20:00)
Олмалиқ, ОКМК спорт мажмуаси.
Ҳакамлар: Ильгиз Танташев, Ришат Нугманов, Дониёр Сайловов, Султонмурод Абдураҳмонов.
VAR ҳаками: Азиз Асимов.
VAR ёрдамчи ҳаками: Тимур Гайнулин.
Назоратчи: Игорь Нехочин.
Манба: https://t.me/pfcagmk
Киритилди: 09:35, 26.06.2022. Ўқилди: 2740 марта. Фикрлар: 39 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
