Bugun, 26 iyun — haftaning yakshanba kuni. Dam olish va hordiq chiqarish barobarida barchani ajoyib futbol o‘yiniga taklif etamiz.
Olmaliqdagi OKMK sport majmuasida AGMK klubi Qarshining "Nasaf" jamoasini mehmon qiladi. Superliga doirasidagi 3-turning qoldirilgan o‘yini bugun soat 20:00da start oladi.
Ro‘ziqul Berdiyev boshqaruvidagi jamoa ayni paytda ichki chempionatda qolgan jamoalarga nisbatan 2ta kam o‘yin o‘tkazgan holda peshqadamdan 4 ochko kam jamg‘argan va jadvalda 6-o‘rinda bormoqda.
AGMK esa 3-o‘rinda va peshqadamdan 3 ochko kam to‘plagan. Bo‘lajak o‘yindagi ehtimoliy g‘alaba jamoamizni 13-tur oldidan peshqadamga aylantirishi mumkin.
Ushbu jamoalarning o‘zaro o‘yinlari tarixi ancha qiziq. Chempionat doirasida jami 30 uchrashuv o‘tkazilgan. Ustunlik "Nasaf" tomonida. Qarshiliklar 14 g‘alabaga ega. AGMK esa 5 marotaba g‘alaba qozongan. Qolgan 11 bahsda esa durang qayd etilgan.
Bu ikki jamoani O‘zbekistonning eng kuchli va nomdor murabbiylari Mirjalol Qosimov va Ro‘ziqul Berdiyev boshqaradi.
Ushbu mutaxassislarning O‘zbekiston chempionati doirasidagi o‘zaro o‘yinlari haqida to‘xtaladigan bo‘lsak, olmaliqliklar ustozi Mirjalol Qosimov hamkasbi Ro‘ziqul Berdiyev bilan 12 marotaba uchrashgan. O‘tkazilgan uchrashuvlarning 7tasida Mirjalol Qosimov g‘alabani tantana qilgan. Ro‘ziqul Berdiyev esa Qosimovni chempionat doirasida faqatgina 3 marotaba mag‘lub etgan. Qolgan 2 o‘yinda esa durang bo‘lgan. Ushbu ikki durang o‘tgan mavsumda Olmaliq va Qarshidagi o‘yinlarda qayd etilgandi.
Qosimov va Berdiyev AGMK va "Nasaf" rulida jami barcha musobaqalarda 8 marta to‘qnashishgan va har ikkala mutaxassisda bu boradagi ko‘rsatkich teng: 3tadan g‘alaba va 2 durang.
Bo‘lajak o‘yinni boshqarish mas’uliyati tajribali FIFA hakami Ilgiz Tantashevga ishonib topshirildi. Shuningdek, markaziy o‘yinda tabiiyki VAR tizimi ishlaydi va unga Aziz Asimov mas’ul etib tayinlangan. Hakamlar nazoratchisi esa Igor Nexochin.
Xullas, bugun ajoyib futbol oqshomi bo‘lishi kutilmoqda. Barcha futbolga mehri bo‘lakcha ishqibozlarni Olmaliqdagi OKMK sport majmuasiga taklif etamiz va 20:00da boshlanajak o‘yinda hamma muxlislarni kutamiz.
O‘yin chiptasi stadion atrofidagi kassalarda 5 va 10 ming so‘mdan sotilmoqda.
Superliga, 3-turning qoldirilgan o‘yini.
26 iyun, yakshanba.
AGMK — "Nasaf" (20:00)
Olmaliq, OKMK sport majmuasi.
Hakamlar: Ilgiz Tantashev, Rishat Nugmanov, Doniyor Saylovov, Sultonmurod Abdurahmonov.
VAR hakami: Aziz Asimov.
VAR yordamchi hakami: Timur Gaynulin.
Nazoratchi: Igor Nexochin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
