Франк Кессиэ 18 ёшида туғилган юрти Кот-дЪИвуарни тарк этди. У 2015 йилда Италияга кўчиб ўтишидан олдин ўз мамлакати учун юқори даражадаги ўйинлар кўрсатган эди. Италия футболига мослашиш учун баъзи қийинчиликларга қарамай, 24 ёшли футболчи А Сериянинг энг яхши ярим ҳимоячиларидан бирига айланди.
Майдон ташқарисида унинг клубдаги келажаги ҳақида гап-сўзлар бор эди. Унинг шартномаси 2022 йилнинг июнида тугаганди. ОАВ хабарларига кўра, “Милан” унга 6,5 миллион евро маош таклиф қилган, бироқ у ҳар бир мавсум учун 8 миллион евро олишни истаган. Шу боисдан ҳам “Барселона”нинг эркин трансферлар серияси ивуарлик ярим ҳимоячи билан давом этадиган бўлди.
Шундай қилиб, ушбу тактик таҳлил “Барса”нинг потенциал энг яхши ярим ҳимоячиси ҳақида маълумот беради. Ушбу таҳлилда биз Кессиэ Стефано Пиолининг “Милан” тактикасидаги ролини, унинг кучли томонлари ва “Камп Ноу”га қандай мос келишини муҳокама қиламиз.
"Милан"даги роли
Кессиэ "Милан"да тўртта мураббий - Винченсо Монтелла, Женнаро Гаттузо, Марко Жампаоло ва Стефано Пиоли билан ишлаган ва у иккинчисининг қўл остида чинакам муваффақият қозонган. Жампаоло 2019/20 йилги мавсумнинг дастлабки босқичида ишлаган, аммо жамоа унинг 4-3-1-2 схемасига Кессиэ мослаша олмади.
Пиоли қўл остида Кессиэ ярим ҳимояда жазоирлик футболчи Исмаэль Беннасер билан бирга ҳаракат қилди. Ивуарлик майдон марказида тўп учун курашади, Беннасер эса чуқур позициялардан ўйинни бошқаради.
Тўпга эгалик қилиш
"Милан" тўпга эга бўлганда, улар 4-2-3-1 тактик кўринишига ўтади.
Кессиэ асосан жамоанинг ўйинини қуришга масъул бўлади. Орқа чизиқдан ўйин қуришда, у дастлаб марказийдан ортроқда 2-2 структурани шакллантиришга ёрдам беради.
Бироқ, "Милан" охир-оқибат ўша ярим ҳимоячилардан бирини марказий ҳимоячилар орасига ташлаб, кўпроқ 3-1 тузилмасида ўйинайди. Рақибларга қарабКессиэ чуқурроқ ёки эркиноқ ўйинаши мумкин.
Кот-д-дЪИвуарлик орқа чизиқдан ҳужум бошлашда яхши иштирок этади, аммо у прогрессив масъулиятни ўз зиммасига олмайди. Ушбу мавсумда А Серияда Кессиэнинг ярим ҳимоядаги жамоадошлари Сандро Тонали ва Исмаэль Беннасер узоқ паслар билан ўйинни тез-тез ёйишдан ташқари, ўртача кўпроқ прогрессив узатма ва узатиш масофасига эга. Кот-дЪИвуарлик футболчига, айниқса, Златан Ибраҳимович бўлмаганида, "Милан"да пенальти тепиш вазифаси ҳам қўйилади.
Ақлли ҳаракатлар муҳим аҳамиятга эга
Умуман олганда, ўйин Кессиэ орқали жуда тез ва осон қурилади, лекин у, масалан, Серхио Бускетс каби ўйинни ўзи бошқармайди. Шунга қарамай, Ивуарлик етакчилик ҳусусиятини сақлаб қолади. Қарши прессингдан осон чиқиб кета олиши ҳам бор гап.
У Френки де Йонгнинг масофа бўйлаб жаҳон даражасидаги кучи ва тезлигига эга эмас, лекин Кессиэ ўзи учун жой яратиш учун бир нечта тезкор паслардан фойдаланиши мумкин.
Кессиэ, шунингдек, "Милан"нинг доимий ҳужумлари пайтида ҳам анча ривожланган позицияга эга бўлиши мумкин.
Унинг кўп хавфли тегинишлари ва зарба бериш имкониятлари, биз Френки де Йонгдан кўрганимиздек, олдинга чизиқдан ташқарида ҳақиқий кучли, пенетрацион югуришдан келиб чиқмайди. Бунинг ўрнига, Кессиэ кўпроқ нозик жойлашувга таянади, яъни ҳимоявий жойлашувда ҳам анча фойдали.
Кессиэнинг тўп билан ўйинидаги яққол кўзга ташланадиган заиф томонлардан бири бу унинг узоқдан тўп узатиш техникаси. Кот-дЪИвуарлик футболчи тўпни узоқдаги жамоадошига ҳавола қилмоқчи бўлганида, узатмаларини ҳаддан ташқари ноаниқ беради.
Умуман олганда, тўпга эгалик қиладиган Кессиэ ҳамма нарсанинг бир қисмини қила оладиган одамдир. У тўпни тез ҳаракатга келтира олади, дриблинг қила олади ва қандайдир ҳужум таҳдидини таъминлай олади, бироқ у вазиятни бир деганда кескинлаштириб бера олмайди. Қарши ҳужум ратишда тўпни Франкка етказмаган маъқул.
Тўпсиз ўйинда
Тўп йўқ бўлса, Пиоли бошчилигидаги миланликлар катта шиддат билан босим уйиштиради. Улар А Серияда олдинги чизиқда босим қилишда пешқадам бўлди. Гарчи “Милан” тўп назоратига катта эътибор берса-да.
Кессиэ кўпинча бу прессингда асосий рол ўйнайди ва "Милан" ҳужумчиларига қўшилади. Жамоанинг биринчи босим тўлқини рақиб майдони ёнида бўлади.Шундай қилиб, Кессиэ кўпинча рақибнинг чуқур ётган ярим ҳимоячиларидан ўйинни бузишга ҳаракат қилади.
Умуман олганда, унинг ҳимоявий сифатини сиртдан баҳолаш жуда қийин. 25 ёшли футболчи жуда кам ҳолатда рақибига курашни бой беради ва бир қарашда Канте сингари кучли футболчидек кўзга ташланмайди.
Яъни, Кессиэ етарлича ҳаракатчан, дуелларда кўп ғолиб чиқадиган ва позицион интизомга эга футболчи. Кучли рақибларга қарши ўйин унинг ҳимояланиш қобилиятини исботлай олади.
У "Барселона"га мос келадими?
Кессиэни ёмон шартнома имзолаганини тасаввур қилиш қийин. 25 ёшга тўлган, ҳар томонлама ривожланган ва жисмонан бақувват ярим ҳимоячини олиб келиш “Барселона” учун жуда фойдали бўлиши мумкин. Кессиэ, албатта, Ла Лигадаги кўпчилик рақобатчиларидан яхшироқ ўйин кўрсатди.Шунга қарамай, Хави марказда Кессиэга тўлиқ ишонадими? Ҳаммаси шунга боғлиқдир.
Кессиэ даражаси яққол “Барселона” футболчиларидан ажралиб турмайди. Асосий эътиборни ёш испанларга қаратаётган Хавининг ғояси муҳим аҳамият касб этади. Де Йонг жамоадан кетиши мумкинлиги, Бускетснинг ёши ҳисбга олиниб Кессиэ катта эҳтимол ўйин амалиётига эга бўлиши мумкин.
Агар Хави кўпроқ анъанавий 4-3-3 билан битта таянч ва иккита яратувчи билан ҳаракат қилса, Кессиэ чап томонга анча мос келади. У Педри каби чизиқларни боғлайдиган креатив футболчи эмас, лекин у олдинги чизиқдаги прессинг ва ҳимояланишга ёрдам беришда испанияликдан устунроқ.
Бундан ташқари, шуни таъкидлаш керакки, Кессиэнинг "Милан"нинг юқори прессингидаги роли Хави Гавидан сўраган нарсага жуда мос келади. Кот-дЪИвуарлик олдинга чизиққа қўшилиш ва ҳужумнинг учинчи қисмига юқори прессинг каби вазифани бажаришда анча кучли.
Хулоса қилиб айтадиган бўлсак: 25 ёшли футболчи, албатта, ҳали суперюлдуз эмас, лекин юқори босимли ва ҳаракатчан футболчи сифатида ишлатилиши мумкин ва ҳимояланишда ҳам яхши позиция танлай олади. У ўз позициясини масъулиятсиз равишда очиқ қолдирмайдиган футболчидир.
У тўпга эга бўлишга ва юқори прессингга ўрганиб қолган, ўзининг энг яхши йилларини бошламоқда ва у “Барселона” талаб қилаётган вазифаларни бажара олади. “Барселона” мухлислари Кессиэдан ажойиб голли узатмалар кутиши ва чиройли голлар уришини кутмаслиги керак. Чунки Франкнинг асосий устунлиги “қора меҳнат”.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
