"Манчестер Юнайтед"нинг янги аъзоси Кристиан Эриксен инглиз клубига ўтганидан кейин ўз ҳис-туйғулари билан ўртоқлашди.
"Манчестер Юнайтед" - ўзига хос клуб. Янги жамоа билан биргаликда ишлашни бошлаш имкониятини интиқлик билан кутаман. Менга бир неча бор “Олд Траффорд”да майдонга тушиш бахтига муяссар бўлганман, лекин ўзим “Манчестер Юнайтед” либосини кийишим ўзгача туйғу.
Мен Эрик тен Хагнинг “Аякс”даги ишини кузатдим. Шубҳасиз, бу ажойиб мураббий. Мен у билан шахсан мулоқот қилганман ва у жамоанинг ўйинини қандай кўришини ва менга қандай рол юклашини биламан.
Мен ҳали ҳам мотивацияга тўламан. "Манчестер Юнайтед" билан кўп нарсага эриша олишимни биламан", - дея данияликнинг сўзларини келтиради жамоа сайти.
Манкунианликлар 15 июль куни 30 ёшли футболчининг трансферини эълон қилди. Даниялик футболчи билан 2025 йилгача мўлжалланган шартнома имзоланган.
Эриксен ўтган мавсумда "Брентфорд" сафида ўйнаб, 11 та ўйинда 1 та гол ва 4 та голли узатмани амалга оширди.
Матнда хатолик топсангиз, ўша хатони белгилаб, бизга жўнатинг (Ctrl + Enter).