Диёр Имомхўжаев Бахтиёр Қосимовнинг «Ал-Хор»га ўтиши борасида фикр билдирди
Бахтиёр Қосимов Қатарнинг «Ал-Хор» жамоаси билан 1 йиллик шартнома имзолагани ҳақида ўқигандирсиз. Бу қандай амалга ошгани ҳақида футболчининг ўзи ҳам сўзлаб берди. Бунда қуйидаги жиҳатларга эътибор қаратиш лозим.
Бахтиёр легионерга «Сурхон» клубидаги ўйинлари орқали айланди. Бу муҳим фактор. Катта мақсадлар сари энг яқин йўл фақатгина Тошкент бўлиб қолиши керак эмас. Ҳар қандай жамоа менежерлари халқаро алоқаларни яхши йўлга қўя олиши муҳим. У ҳатто Суперлигада 10-ўринда бораётган бўлса ҳам.
«Сурхон» клубидаги футболчилар статистикасига назар солсангиз, Бахтиёр мавсум аввалида 12 та учрашув ўтказди. Яъни, испаниялик мутахассис унинг хизматларидан етарлича фойдаланиб келаётганди. Шунга қарамай, «Сурхон» футболчи ҳаётида янги саҳифа очилишига қаршилик қилмади.
Қосимов бунга қадар икки мавсум "Андижон" шарафини ҳимоя қилди. Унгача "Хотира-79" сафида тўп тепди. Агар футболчининг ўзида нимадир бўлса, у Биринчи лиганинг ўзидаёқ кўзга кўриниши ва каттароқ жамоага йўл олиши мумкин. Мазкур жиҳат бугун Биринчи лигада тўп сураётган ёшларга мотивация бериши ва улар ишлашдан тўхтамаслиги керак.
«Ал-Хор» Қатар қуйи лигасида ўйнайди ва Юлдузлар лигасига қайтишга бел боғлаган. Ўз-ўзидан Юлдузлар лигасида ўйнашдан кўра, қуйи лига орқали жамоанинг ажралмас қисмига айланиб олиш осонроқ. Агар шу мавсум футболчи ўзини ҳар тарафлама кўрсата олса ва «Ал-Хор» ҳам Юлдузлар лигасига қайтса, катта эҳтимол билан клуб шартномани узайтириш учун музокаралар столига қайта ўтириши мумкин.
Умуман олганда ўзбекистонлик футболчининг легионер сифатида бошқа мамлакатда тўп тепиши ҳар тарафлама фойдали. «Сурхон» унинг позициясида бошқа футболчига имкон беради, футболчининг ўзи аввалгидан яхшироқ маошга эга бўлади, ҳақиқий мусофирчилик қандай эканини кўради, шахс сифатида ўсади. Биз янги жамоаси сафида Бахтиёр Қосимовга улкан муваффақият тилаб қоламиз.
Диёр Имомхўжаев.
Манба: https://t.me/diyorimamkhodjaev
Киритилди: 23:06, 24.07.2022. Ўқилди: 3811 марта. Фикрлар: 7 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
