Евро-2012 "В" гуруҳида 3-тур ўйинларига якун ясалди. "Ўлим гуруҳи" деб номланган ушбу гуруҳда Германия ва Португалия терма жамоалари кейинги босқичга йўл олишди.
"Ўлим гуруҳи"да ҳар нарса бўлишими мумкин. Лекин ЖЧ-2010 финалчисининг НОЛ очко билан қолиб кетиши – ҳар қандай "ўлим гуруҳи" учун жуда қатолликдир, деди Спорт-1 каналида Поругалия-Нидерландлар ўйинини шарҳлаб борган Роман Трушечкин.
Ҳақиқатдан ҳам, Евро-2012 бошланмасдан аввал ушбу гуруҳда қайси терма жамоалар кейинги босқичга йўл олишини аниқ тахмин қилиб бўлмасди. Шунга яраша икки ўйинда ютқазган Нидерландлар терма жамоаси ҳам сўнгги турда ягона ғалаба билан кейинги босқич йўлланмасини олиш имкониятини сақлаб турди.
Бевосита ўйинларга қайтсак, дастлабкит гол нидерландлар ўйинчиси ван дер Ваарт томонидан 11-дақиқадаёқ киритилди. Яна битта гол ва метин ҳимоя ҳолландларни мақсадига эриштирарди, чунки нариги ўйинда немислар ҳисобни очиб бўлишган эди. Кўп ўтмай Дания ҳисобни тенглаштирди. Имконият энди Мортин Олсен жамоасида ҳам пайдо бўла бошлади. Йўқ, Криштиану Роналдунинг ўзи хос, илгарилаб кетиш усулида урган голи вазият қандай тус олишидан дарак бера бошлади.
Иккинчи бўлимда Криштиану Роналдунинг ўзи бошлаб берган тезкор қарши ҳужумни ўзи мантиқий ниҳоясига етказиши учрашувдаги масалани ўртадан кўтарди. Бунақа ўйин билан Нидерландлар ҳеч 3 та гол урадиган жамоага ўхшамаётганди.
Бу орада Германия ҳам ғалаба тўпини киритди ва уч учрашувда 100 фоизлик натижа қайд этиб, чемпионлик учун энг асосий даъвогарлардан бири эканлигини намойиш қилиб қўйишди.
ПОРТУГАЛИЯ – НИДЕРЛАНДЛАР 2:1 (1:1)
Голлар: Роналду (28, 74) — ван дер Варт (11)
Португалия: Патрисиу, Жоау Перейра, Алвеш, Пепе, Куэнтрау, Велозу, Мейрелеш (Куштодиу, 72), Моутинью, Нани (Роланду, 87), Поштига (Оливейра, 64), Роналду.
Нидерландлар: Стекеленбург, ван дер Виль, Флар, Матайсен, Виллемс (Афеллай, 67), Найжел де Йонг, ван дер Ваарт, Роббен, Снейдер, ван Перси, Хунтелаар.
Огоҳлантиришлар: Виллемс (51), ван Перси (69), Жоау Перейра (90).
Бош ҳакам: Никола Риццоли (Италия)
17 июнь, Харьков, "Металлист" стадиони.
ДАНИЯ – ГЕРМАНИЯ 1:2 (1:1)
Голлар: Подольски (19), 1:2 - Л. Бендер (80) — Крон-Дели (24)
Дания: Андерсен, Якобсен, Кьер, Аггер, С. Поульсен, Квист, Я. Поульсен (Миккельсен, 82), Цимлинг (К. Поульсен, 79), Эриксен, Крон-Дели, Бендтнер.
Германия: Нойер, Л. Бендер, Ҳуммельс, Бадштубер, Лам, Хедира, Швайнштайгер, Мюллер (Кроос, 84), Ўзил, Подольски (Шюррле, 64), Гомес (Клозе, 74).
Бош ҳакам: Карлос Веласко Карбальё (Испания)
17 июнь, Львов, "Львов Арена"
"В" ГУРУҲИНИНГ ЯКУНИЙ ЖАДВАЛИ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
