Жозе Моуриньо: «Шомуродов ва Афена-Гьянни кута олмайман»
"Рома" бош мураббийи Жозе Моуриньо ҳужумчи Андреа Белоттининг жамоага келишини истаётганини ҳамда ҳужумчилар — Элдор Шомуродов ва Феликс Афена-Гьяннинг юқори савияга чиқишини кута олмаслигини айтиб ўтди.
"Салернода бўлиб ўтган ўйинда ғалаба қозониш учун икки ҳужумчи ўрнига икки ярим ҳимоячини туширдим. Захира ўриндиғида асосий таркибга тортадиган бошқа ўйинчи бўлмаганидан кейин менда бошқа илож йўқ эди. Феликс ва Шомуродов қачон асосий таркибга муносиб бўлишини кута олмаймиз. Бизда бундай имконият йўқ.
Захирада сифатли футболчилардан Матич ва Вейналдум бор эди. Улар майдонга тушиб, ўйинни назорат қилишди.
Белотти? У жамоамизни келишни истамоқда, унинг ўйини менга ёқади", — деди Моуриньо.
Манба: stadion.uz
Эслатиб ўтамиз, "Рома" Белотти билан шартнома имзолаши учун Шомуродов, Афена-Гьян ёки Жастин Клюйвертдан бирини сотиб, таркибдан жой бўшатиши керак.
Киритилди: 22:27, 21.08.2022. Ўқилди: 17562 марта. Фикрлар: 12 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар