Криштиану Роналдунинг шахсий ҳаёти, оиласи ва бизнеси ҳақида эшитмаган инсон бўлмаса керак. Португалиялик суперюлдуз буни ҳеч кимдан яширмай келади. Роналду ўз юртида ҳам кўчмас мулкларга эгалик қилади. Шулардан бири Лиссабондан унча узоқ бўлмаган Ривейра штатидаги уйдир. Ушбу уй айни дамда 17 миллион фунтлик қийматга эга. Ҳа, ҳозирда унда футболчининг оиласи яшамайди. Аммо у яшаш учун ҳозирлаб қўйилган. Қуйида бу уйда амалга оширмоқчи бўлган Роналдунинг ғалати қарори ҳақида гап боради.
37 ёшли ҳужумчи 17 миллионлик кошонасининг ёнгинасида жойлашган ҳашаматли гольф клуби жойлашган уйни бузиб ташламоқчи. Бу учун эса Роналду, аввало уни сотиб олиш мақсадида. Бузишга асосий сабаб, Роналдунинг уйидан қараганда, гольф клуби манзаранинг умумий жозибасига ҳалақит беришидир. Яъни, гольф клуби океан ва ташқи муҳимни тўлиқ кўришга монелик қилади. Миллиардер футболчи гольф клуби раҳбарига ўз иншоатини ва унинг машиналар тураргоҳини бошқа жойга кўчиришни таклиф этган. Бу эса осон иш эмас. Шундай бўлсада, Роналду буни бажармоқчи. Аввало, ишни бутун бир гольф клубини сотиб олишдан бошлаш керак. Албатта, ҳафтасига 500 минг фунт ишлайдиган одам учун бу унчалик ҳам қийин иш эмас.
Роналду яқин келажакда рафиқаси Жоржина Родригес ҳамда беш фарзанди билан Ривейрадаги уйига бориб яшамоқчи. Ушбу уйнинг номи «Ron Designs» деб аталади. Бу жойга яқин бўлган манбаларнинг айтишича, футболчининг уйидаги гаражга лифт ўрнатилган. Ушбу лифтнинг вазифаси эса самолётни гараж ичига тушириб чиқаришдан иборат. Шунингдек, унинг ичида 30 та энг сўнгги русумдаги суперкар мавжуд. Роналдунинг ушбу уйи 12 минг фут ерни ўзи ичига олган бўлиб, энг машҳур меъморлардан бири Витор Виторино томонидан лойиҳалаштирилган. Уй ўз ичида, шунингдек, бир нечта ётоқхона (уларнинг баридан денгиз манзараси кўриниб туради), ички ва ташқи бассейн, кинотеатр, СПА, видеоўйинлар хонаси ва шахсий офисни олган.
Айрим манбаларнинг хабарига кўра, Роналду янги уйи олдидаги гольф клуби мулкларини бузиб ташлашга жиддий киришган. Унда шундай ёзилади: «Гольф клуби Роналду учун муаммога айланган. У буни ҳал қилишни истайди. Унинг нархи футболчи учун муаммо эмас. Роналду мукаммаллик шайдоси ва шунга интилиб яшайди».
Суперюлдузнинг адвокатлари кеча «Oitavos Golf Club» эгаси Мигель Шампалимуд билан бу борада музокаралар ўтказган. Аммо Жаноб Шампалимуд ҳалигача ўз мулкининг бузилишига розилик бергани йўқ.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
