Krishtianu Ronalduning shaxsiy hayoti, oilasi va biznesi haqida eshitmagan inson bo‘lmasa kerak. Portugaliyalik superyulduz buni hech kimdan yashirmay keladi. Ronaldu o‘z yurtida ham ko‘chmas mulklarga egalik qiladi. Shulardan biri Lissabondan uncha uzoq bo'lmagan Riveyra shtatidagi uydir. Ushbu uy ayni damda 17 million funtlik qiymatga ega. Ha, hozirda unda futbolchining oilasi yashamaydi. Ammo u yashash uchun hozirlab qo‘yilgan. Quyida bu uyda amalga oshirmoqchi bo‘lgan Ronalduning g‘alati qarori haqida gap boradi.
37 yoshli hujumchi 17 millionlik koshonasining yonginasida joylashgan hashamatli golf klubi joylashgan uyni buzib tashlamoqchi. Bu uchun esa Ronaldu, avvalo uni sotib olish maqsadida. Buzishga asosiy sabab, Ronalduning uyidan qaraganda, golf klubi manzaraning umumiy jozibasiga halaqit berishidir. Ya’ni, golf klubi okean va tashqi muhimni to‘liq ko‘rishga monelik qiladi. Milliarder futbolchi golf klubi rahbariga o‘z inshoatini va uning mashinalar turargohini boshqa joyga ko‘chirishni taklif etgan. Bu esa oson ish emas. Shunday bo‘lsada, Ronaldu buni bajarmoqchi. Avvalo, ishni butun bir golf klubini sotib olishdan boshlash kerak. Albatta, haftasiga 500 ming funt ishlaydigan odam uchun bu unchalik ham qiyin ish emas.
Ronaldu yaqin kelajakda rafiqasi Jorjinya Rodriges hamda besh farzandi bilan Riveyradagi uyiga borib yashamoqchi. Ushbu uyning nomi «Ron Designs» deb ataladi. Bu joyga yaqin bo‘lgan manbalarning aytishicha, futbolchining uyidagi garajga lift o‘rnatilgan. Ushbu liftning vazifasi esa samolyotni garaj ichiga tushirib chiqarishdan iborat. Shuningdek, uning ichida 30 ta eng so‘nggi rusumdagi superkar mavjud. Ronalduning ushbu uyi 12 ming fut yerni o‘zi ichiga olgan bo‘lib, eng mashhur me’morlardan biri Vitor Vitorino tomonidan loyihalashtirilgan. Uy o‘z ichida, shuningdek, bir nechta yotoqxona (ularning baridan dengiz manzarasi ko‘rinib turadi), ichki va tashqi basseyn, kinoteatr, SPA, videoo‘yinlar xonasi va shaxsiy ofisni olgan.
Ayrim manbalarning xabariga ko‘ra, Ronaldu yangi uyi oldidagi golf klubi mulklarini buzib tashlashga jiddiy kirishgan. Unda shunday yoziladi: «Golf klubi Ronaldu uchun muammoga aylangan. U buni hal qilishni istaydi. Uning narxi futbolchi uchun muammo emas. Ronaldu mukammallik shaydosi va shunga intilib yashaydi».
Superyulduzning advokatlari kecha «Oitavos Golf Club» egasi Migel Shampalimud bilan bu borada muzokaralar o‘tkazgan. Ammo Janob Shampalimud haligacha o‘z mulkining buzilishiga rozilik bergani yo‘q.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
