Куни кеча Европанинг нуфуз борасида иккинчи ўринда турувчи мусобақаси бўлмиш ЕЛга қуръа ташлаш маросими ўтказилди. Унда турнир иштирокчиси бўлган барча, 32 клуб ўз рақибларининг номларини билиб олишди. Жумладан, инглизлар ҳам. Қуйида Европа лигасининг бу мавсуми учун мўлжалланган айрим маълумотлар тақдим этилади.
"Манчестер Юнайтед" қуръа натижалари бўйича узоқ масофаларга сафар қиладиган бўлди. Хусусан, "қизил иблислар" 4200 мил узоқдаги Кипрга, "Омония" клуби билан беллашиш учун сафар қилади. Кейин эса Молдовага 3600 мил масофа босиб бориши лозим. У ерда "Шериф" клуби "МЮ"ни меҳмон қилади. Шунингдек, E гуруҳидан "Реал Сосьедад" ҳам ўрин олган. Айнан улар Эрик тен Хаг жамоаси учун ҳақиқий бош оғриғи бўлиши мумкин.
А гуруҳидан ўрин олган "Арсенал"га ҳам рақиблар номи аниқ бўлган. Микель Артета шогирдлари Нидерландиянинг "ПСВ", Норвегиянинг "Будё/Глимт" ҳамда Швейцариянинг "Цюрих" клублари билан куч синашиши керак бўлади.
Энди турнир қуръа натижалари бошқа клублар учун қандай тақдир ҳозирлаганига ҳам озгина тўхталиб ўтсак. Хусусан, B гуруҳидан Киев шаҳрининг "Динамо" жамоаси, "Ренн", "Фенербахче" ҳамда "АЕК Ларнака" клублари жой олди. Ўтган мавсумда ЕКЛнинг илк ғолибига айланган "Рома", "Лудогорец", "Реал Бетис" ҳамса "ХИК Хельсинки"га C гуруҳида рақиб бўлади. D гуруҳи ўзига хос рақибларга макон бўлди. Ундан "Брага", "Мальмё", "Унион Берлин" ва "Юнион" жой олган.
"Лацио" ва "Фейеноорд" F гуруҳида тўқнаш келиши белгиланган. Уларга "Митьюлланд" ва "Штурм" рақиблик қилади. Греция гиганти бўлган "Олимпиакос" G гуруҳидан қийналмай чиқиб олиши кутилмоқда. Чунки унга "Қорабоғ", "Фрайбург" ҳамда "Нант" қарши чиқади. Сўнгги, H гуруҳида " Црве́на зве́зда Бельград", "Монако", "Ференцварош" ва "Трабзонспор" ўзаро мусобақалашадиган бўлди.
Энди мусобақанинг қайси саналарда ўтказилишига ҳам бироз тўхталиб ўтсак. Ноябрда старт оладиган Жаҳон чемпионати сабабли гуруҳнинг 6 та баҳси учта блокка бўлинган ҳолда, кетма-кет ҳафталарда ўтказиладиган бўлди. Илк ўйинлар 8-15 сентябрь кунлари бўлиб ўтади. Учинчи ва тўртинчи тур 6-13 октябрда ўтказилади. Қолганлари эса 27 октябрь - 3 ноябрь кунларига белгиланган. Плей-офф баҳслари сўнгги гуруҳ баҳсларидан уч ой ўтиб бошланади. Нимчорак финал ўйини 16-27 февраль куни бўлиб ўтади. Айнан шу босқичдан турнирга ЕЧЛнинг саккизта учинчи ўринини эгаллаган клублар ҳам қўшилади. Чорак финаллар 9 -16 март ҳамда 13-20 апрелга белгилаб қўйилган. Ярим финалларга 11-18 майда старт берилади. Ваниҳоят, финал 31 май куни, Венгрия бошкенти, Будапештдаги машҳур "Пушкаш Арена"да ўтказилиши режа қилинган.
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
