Kuni kecha Yevropaning nufuz borasida ikkinchi o‘rinda turuvchi musobaqasi bo‘lmish YELga qur’a tashlash marosimi o‘tkazildi. Unda turnir ishtirokchisi bo‘lgan barcha, 32 klub o‘z raqiblarining nomlarini bilib olishdi. Jumladan, inglizlar ham. Quyida Yevropa ligasining bu mavsumi uchun mo‘ljallangan ayrim ma’lumotlar taqdim etiladi.
"Manchester Yunayted" qur’a natijalari bo‘yicha uzoq masofalarga safar qiladigan bo‘ldi. Xususan, "qizil iblislar" 4200 mil uzoqdagi Kiprga, "Omoniya" klubi bilan bellashish uchun safar qiladi. Keyin esa Moldovaga 3600 mil masofa bosib borishi lozim. U yerda "Sherif" klubi "MYU"ni mehmon qiladi. Shuningdek, E guruhidan "Real Sosyedad" ham o‘rin olgan. Aynan ular Erik ten Xag jamoasi uchun haqiqiy bosh og‘rig‘i bo‘lishi mumkin.
A guruhidan o‘rin olgan "Arsenal"ga ham raqiblar nomi aniq bo‘lgan. Mikel Arteta shogirdlari Niderlandiyaning "PSV", Norvegiyaning "Budyo/Glimt" hamda Shveysariyaning "Syurix" klublari bilan kuch sinashishi kerak bo‘ladi.
Endi turnir qur’a natijalari boshqa klublar uchun qanday taqdir hozirlaganiga ham ozgina to‘xtalib o‘tsak. Xususan, B guruhidan Kiyev shahrining "Dinamo" jamoasi, "Renn", "Fenerbaxche" hamda "AYEK Larnaka" klublari joy oldi. O‘tgan mavsumda YEKLning ilk g‘olibiga aylangan "Roma", "Ludogores", "Real Betis" hamsa "XIK Xelsinki"ga C guruhida raqib bo‘ladi. D guruhi o‘ziga xos raqiblarga makon bo‘ldi. Undan "Braga", "Malmyo", "Union Berlin" va "Yunion" joy olgan.
"Lasio" va "Feyenoord" F guruhida to‘qnash kelishi belgilangan. Ularga "Mityulland" va "Shturm" raqiblik qiladi. Gresiya giganti bo‘lgan "Olimpiakos" G guruhidan qiynalmay chiqib olishi kutilmoqda. Chunki unga "Qorabog‘", "Frayburg" hamda "Nant" qarshi chiqadi. So‘nggi, H guruhida " Srvéna zvézda Belgrad", "Monako", "Ferensvarosh" va "Trabzonspor" o‘zaro musobaqalashadigan bo‘ldi.
Endi musobaqaning qaysi sanalarda o‘tkazilishiga ham biroz to‘xtalib o‘tsak. Noyabrda start oladigan Jahon chempionati sababli guruhning 6 ta bahsi uchta blokka bo‘lingan holda, ketma-ket haftalarda o‘tkaziladigan bo‘ldi. Ilk o‘yinlar 8-15 sentyabr kunlari bo‘lib o‘tadi. Uchinchi va to‘rtinchi tur 6-13 oktyabrda o‘tkaziladi. Qolganlari esa 27 oktyabr - 3 noyabr kunlariga belgilangan. Pley-off bahslari so‘nggi guruh bahslaridan uch oy o‘tib boshlanadi. Nimchorak final o‘yini 16-27 fevral kuni bo‘lib o‘tadi. Aynan shu bosqichdan turnirga YECHLning sakkizta uchinchi o‘rinini egallagan klublar ham qo‘shiladi. Chorak finallar 9 -16 mart hamda 13-20 aprelga belgilab qo‘yilgan. Yarim finallarga 11-18 mayda start beriladi. Vanihoyat, final 31 may kuni, Vengriya boshkenti, Budapeshtdagi mashhur "Pushkash Arena"da o‘tkazilishi reja qilingan.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
