"Ливерпуль" 33 йил ичида биринчи марта рақибни 9:0 ҳисобида доғда қолдирди! Клопп жамоасининг кучли қайтиши.
"Ливерпул"нинг "Борнмут" билан ўйиндаги биринчи рекорди тезда такрорланди, 31-дақиқадаёқ. Роберто Фирмино дарвозабон чизиғига муваффақиятли кириб келди ва вазиятдан унумли фойдаланди, тўпни Марк Траверс дарвозасига жойлаб қўйди. 4:0! Жамоа 2014 йилдан буён мавсумни у қадар кучли бошлагани йўқ эди. Аммо асосий воқеалар олдинда эди.
Аллақачон тўлиқ ҳуқуқли рекорд биринчи бўлимга қўшиб берилган вақтда ўрнатилди. Ван Дейк ҳаммадан баландроқ сакраб, мезбонларнинг устунлигини оширди. Жамоа Премьер-лигада ҳеч қачон бир таймда бешта гол урмаган. Ва бош қаҳрамон Роберто Фирмино эди. У тўртта голда иштирок этди - уч марта голли узатмани амалга оширди ва бир марта ўзи гол урди. "Ливерпуль" тарихида бундай ҳолат ҳеч қачон содир бўлмаган ва бутун Премьер-лигада охирги марта 2017 йилда содир бўлган. Харри Кейн "Тоттенхэм"га тўртта гол уришга ёрдам берган эди.
Лекин Клоппнинг йигитлари иккинчи бўлимда тўхтаб қолишмади. Улар кучсиз "Борнмут"ни шафқатсизларча масхара қилишди, мавсумнинг ёмон бошланиши учун барча ғазабни чиқариб ташлашди. Баъзи ҳолларда жамоа ўзларининг умидсизликларини ҳам голга айлантиришди. Натижада 9:0 ҳисоби вужудга келди. Битта ўйинда жуда кўп голларни "Ливерпуль" аввалроқ Премьер-лига бўлмагунга қадар 1989 йил сентябрь ойи бошида "Кристал Пэлас"га қарши ўйинда киритган эди.
Премьер-лига тарихида бир жамоанинг атиги уч марта тўққизта гол ургани қайд этилган: 1995 йилда "Манчестер Юнайтед" "Ипсвич"га, 2019 йилда "Лестер" "Саутгемптон"га ва "Манчестер Юнайтед" "Саутгемптон"га қарши ўйинларда.
Учрашувнинг ҳаяжонли дақиқаларидан бири бу Харви Эллиотнинг голи. 2003 йилда таваллуд топган йигит ўтган мавсумда "Ливерпуль" сафида Премьер-лигада дебют қилган, аммо ҳозирда биринчи марта гол урди. Буларнинг барчаси жуда таъсирли лаҳзага айланди - Харви майсазорга йиқилиб йиғлади. Уни жамоадошлари ўраб олишди. Британиялик журналистларнинг аниқлик киритишича, бу лаҳза футболчи ва унинг бутун оиласи учун жуда муҳим бўлган. Гап шундаки, Эллиотнинг отаси ва бобоси “Ливерпуль” мухлислари. Шундай муҳитда улғайгач, жамоага гол урсангиз, ҳис-туйғуларингизни жиловлаш қийин албатта.
Клопп шогирдлари чемпионат бошида 3 та баҳсда ғалабага эриша олмаган эди. Бунгача икки дуранг ва бир мағлубият қайд этилганди. Энди узоқ кутилган ғалаба ва "Манчестер Сити" томон биринчи яқин ҳаракат. Хосеп Гвардиола шогирдларида 10 очко мавжуд. “Ливерпул”да эса 5 та. Бунгача Клопп фақат 2016/2017 йилги мавсум бошида шунга яқин салбий натижа қайд этган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
