ЕЧЛнинг иккинчи турида "Бавария" ўз майдонида "Барселона"ни қабул қилади. Каталонияликлар еврокубокларда кетма-кет тўрт ўйиндан бери Мюнхен клубига мағлуб бўлиб келмоқда. Сешанба куни эса "Барса" учун ҳаммаси янада мураккаб бўлиши мумкин. Айниқса, меҳмонда. Айни дамда "Бавария"нинг ички чемпионатдаги аҳволи яхши эмас. Аммо "Барселона" билан ҳаммаси бошқача бўлади. Қуйида "Барселона" ўта эҳтиёт бўлиши керак бўлган рақибнинг учта футболчиси келтириб ўтилади.
1. Садио Мане
Мане "Бавария"га Левандовскига ўринбосар сифатида олиб келинган эди. Собиқ "Ливерпуль" ҳужумчиси олд чизиқнинг ҳар учала қисмида ўйнай олади. Бу эса "Бавария" учун жуда муҳимдир. Мавсум бошланганига 1 ой бўлди. Мане эса янги жамоасида 5 та гол уришга эришди. У бўлажак ўйинда "Барселона" ҳимоячиларига яхшигина "бош оғриқ" бўлиши кутилмоқда.
Юлиан Нагельсманнинг футбол схемасида, Мане тўққизинчи рақамли ҳужумчи вазифасига қўйилган. Аммо у исталган вақтда қанотларда ҳам ўйнаш қобилияти ва имкониятига эга бўлади. Турган гапки, бундай ўзгарувчанлик, исталган рақиб ҳимоячиси учун мураккаблик туғдиради.
2.Йозуа Киммих
Киммих "Бавария"нинг энг муҳим футболчисига айланиб улгурган. Футболчининг тажрибаси, вазиятларни кўра-билиши ва етакчилиги, жамоага жуда керакли қурол саналади. Киммих тўпни назорат қилиш, ўйинни бошқаришда, ташаббус қарши тарафда бўлганида эса, прессингнинг иккинчи чизиғида катта иш бажара олади. "Барселона" бу жиҳатларни ҳисобга олган ҳолда, Киммихнинг жарима зарбалари ҳамда стандарт вазиятлардаги узатмаларидан эҳтиёт бўлиши лозим. Унинг пасслари айниқса, де Лигт ҳамда Лукас Эрнандес рақиб жарима майдони ичида бўлганида, янада хавфли тус олади. Киммих, шунингдек, бўлажак баҳсда тер Штегенни узоқ масофадан берадиган зарбалари орқали ҳам "синов"дан ўтказиб кўради.
3. Жамал Мусиала
Киммих ва Мане ўз тажрибалари орқали жамоани муқобил ушлаб турса, уларнинг бир шериги, бутунлай бошқача услуб намойиш этишга тайёргарлик кўрмоқда. У Жамал Мусиаладир. Ёш ярим ҳимоячи "Бавария"нинг энг ижодкор футболчиси сифатида эътироф этилади. Унинг ўзига хос узатмалари рақиб мудофаасини осон ёриб ўтишда катта рол ўйнайди. Шунингдек, Жамал дриблинг қобилияти туфайли, бемалол ҳимоячиларни чалғита олади. Шу сабабдан "Барселона" ўз прессинг қобиғининг иккинчи чизиғига Мусиалага қарши тура оладиган таянч ярим ҳимоячиларини жойлаштириши керак.
Шунингдек, "Бавария" сафида катта хавф дея Алфонсо Дейвисни ҳам айта оламиз. Қанот вакилининг заргарона паслари "Барса" учун ўта мураккаб ишга айланиши тайин. Канада терма жамоаси аъзоси "қизил-анорранглилар" ўнг қанотини тиндирмаслиги аниқ. Дейвис ва Жюль Кунде тўқнашувини кўриш эса мухлислар учун қизиқ воқеа бўлади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
