Мерсисайдликлар устози Юрген Клопп ўтган ҳафтадаги "Наполи"га қарши мағлубиятдан кейин кўплаб норозиликлар юз бера бошлаганини тан олди. Ҳақиқатдан ҳам омадсиз бошланган мавсум ҳамда 4-1 ҳисобидаги мағлубиятдан сӯнг, Клопп келажаги сўроқ остида қола бошлади деб ҳисобланмоқда. У ЕЧЛнинг илк туридан кейин кўплаб танқидларга сабаб бўлди. Боз устига, уларнинг айримлари анча ҳақлий эди. Айни дамда баъзи таҳлилий сайтлар берган маълумотларда Юрген Клоппнинг истеъфога чиқиши 12/1 эҳтимолда кўрилмоқда. Унинг 4-1 ҳисобидаги мағлубиятидан олдин, бу кўрсаткич 66/1 эди. АПЛда истеъфо бериши мумкин бўлган мураббийлар рўйхатини 5/2 натижа билан Бренден Рожерс бошқармоқда. Клопп эса унга анча яқинлашиб қолди.
Юрген Клопп "Наполи" билан ўйиндан кейин интервью берар экан, шундай дейди: "Мен баҳсдан кейин биз ҳақимизда нималар дейилгани ҳақида атиги 10 тача хабар ўқидим холос. Аммо уларнинг кўпи ҳаққоний гаплар эди. Мен ўйинимизни қайтадан томош қилдим. Айтишим керакки, футболчилар борасида анча саволлар бўлиши табиий".
"Ливерпуль", кўпчилик ундай ҳисобламаётган бўлсада, бироз босимда қолгани бор гап. Бугун жамоа "Аякс"га қарши баҳс юритади. "Энфилд"даги ӯйин ҳам мағлубият билан якунланса, оқибати яхши бўлмаслиги мумкин. Ҳа, Клоппда саволларга жавоблар бор. Таркибдаги кенг кўламли жароҳатлар уларни асосли далилга айлантиради. Мерсисайдликларда Жордан Хендерсон, Наби Кейта, Кёртис Жонс, Диегу Жота, Окслейд-Чемберлен, Ибраима Конате, энди эса, Эндрю Робертсон ҳам жамоага ёрдам бера олмайди. Шунга қарамай, Клопп ғалабаларга муҳтож. Акс ҳолда, ҳақиқий "Klopp Out" бошланиши ҳеч гап эмас.
Матбуот анжуманида иштирок этган Жоэл Матип ҳам кейинчалик Клоппни ҳимоя қилиб, фикр билдирганди.
Тўғрида, бугунгача етти йил давомида "Ливерпул"да ишлаб, уни қайтадан оёққа турғизган мутахассис, қандайдир жароҳатлар сабаб клубдан кетиши тўғри бўлмайди. Клопп илк бор мураббийлик қилган клуб "Майнц" эди. У ўшанда жамоани Бундеслигага олиб чиққан. Клопп у ерда ҳам етти йил ишлаган. "Майнц" турнирдан тушиб кетгач эса, истеъфога чиқарилган. Кейинчалик у "Боруссия Дортмунд"га олиб келинади. Клопп "арилар"ни ЕЧЛ финалчисига айлантиради. Ички чемпионатда эса кетма-кет чемпионликка эришилади. Бироқ, Клоппнинг "Signal Iduna"даги еттинчи йили яна омадсиз келди. "BVB" юлдузи Левандовски, жамоани тарк этади. Клуб эса ўша мавсумни 7-ўринда якунлайди. Оқибатда, Клопп яна истеъфо беришга мажбур бўлади.
Нима деб ўйлайсиз, бу тарих яна такрорланармикин? Юрген Клопп 2022 йилнинг апрель ойида инглиз гиганти билан 2026 йилга қадар янги битимга имзо чеккан. "Ливерпул"да эса ҳаммаси кўнгилдагидек эмас. Кўрамиз, Клоппга ўз жамоаси тарихий анъанани бузишга ёрдам бера олармикин...
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
