Mersisaydliklar ustozi Yurgen Klopp o‘tgan haftadagi "Napoli"ga qarshi mag‘lubiyatdan keyin ko‘plab noroziliklar yuz bera boshlaganini tan oldi. Haqiqatdan ham omadsiz boshlangan mavsum hamda 4-1 hisobidagi mag‘lubiyatdan sӯng, Klopp kelajagi so‘roq ostida qola boshladi deb hisoblanmoqda. U YECHLning ilk turidan keyin ko‘plab tanqidlarga sabab bo‘ldi. Boz ustiga, ularning ayrimlari ancha haqliy edi. Ayni damda ba’zi tahliliy saytlar bergan ma’lumotlarda Yurgen Kloppning iste’foga chiqishi 12/1 ehtimolda ko‘rilmoqda. Uning 4-1 hisobidagi mag‘lubiyatidan oldin, bu ko‘rsatkich 66/1 edi. APLda iste’fo berishi mumkin bo‘lgan murabbiylar ro‘yxatini 5/2 natija bilan Brenden Rojers boshqarmoqda. Klopp esa unga ancha yaqinlashib qoldi.
Yurgen Klopp "Napoli" bilan o‘yindan keyin intervyu berar ekan, shunday deydi: "Men bahsdan keyin biz haqimizda nimalar deyilgani haqida atigi 10 tacha xabar o‘qidim xolos. Ammo ularning ko‘pi haqqoniy gaplar edi. Men o‘yinimizni qaytadan tomosh qildim. Aytishim kerakki, futbolchilar borasida ancha savollar bo‘lishi tabiiy".
"Liverpul", ko‘pchilik unday hisoblamayotgan bo‘lsada, biroz bosimda qolgani bor gap. Bugun jamoa "Ayaks"ga qarshi bahs yuritadi. "Enfild"dagi ӯyin ham mag‘lubiyat bilan yakunlansa, oqibati yaxshi bo‘lmasligi mumkin. Ha, Kloppda savollarga javoblar bor. Tarkibdagi keng ko‘lamli jarohatlar ularni asosli dalilga aylantiradi. Mersisaydliklarda Jordan Xenderson, Nabi Keyta, Kyortis Jons, Diyegu Jota, Oksleyd-CHemberlen, Ibraima Konate, endi esa, Endryu Robertson ham jamoaga yordam bera olmaydi. Shunga qaramay, Klopp g‘alabalarga muhtoj. Aks holda, haqiqiy "Klopp Out" boshlanishi hech gap emas.
Matbuot anjumanida ishtirok etgan Joel Matip ham keyinchalik Kloppni himoya qilib, fikr bildirgandi.
To‘g‘rida, bugungacha yetti yil davomida "Liverpul"da ishlab, uni qaytadan oyoqqa turg‘izgan mutaxassis, qandaydir jarohatlar sabab klubdan ketishi to‘g‘ri bo‘lmaydi. Klopp ilk bor murabbiylik qilgan klub "Mayns" edi. U o‘shanda jamoani Bundesligaga olib chiqqan. Klopp u yerda ham yetti yil ishlagan. "Mayns" turnirdan tushib ketgach esa, iste’foga chiqarilgan. Keyinchalik u "Borussiya Dortmund"ga olib kelinadi. Klopp "arilar"ni YECHL finalchisiga aylantiradi. Ichki chempionatda esa ketma-ket chempionlikka erishiladi. Biroq, Kloppning "Signal Iduna"dagi yettinchi yili yana omadsiz keldi. "BVB" yulduzi Levandovski, jamoani tark etadi. Klub esa o‘sha mavsumni 7-o‘rinda yakunlaydi. Oqibatda, Klopp yana iste’fo berishga majbur bo‘ladi.
Nima deb o‘ylaysiz, bu tarix yana takrorlanarmikin? Yurgen Klopp 2022 yilning aprel oyida ingliz giganti bilan 2026 yilga qadar yangi bitimga imzo chekkan. "Liverpul"da esa hammasi ko‘ngildagidek emas. Ko‘ramiz, Kloppga o‘z jamoasi tarixiy an’anani buzishga yordam bera olarmikin...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
