"Реал Мадрид" "Атлетико"га қарши дербига сўнгги 54 йилдаги энг яхши старт билан яқинлашаётган эди, Карло Анчелотти шогирдлари янги мавсумдаги барча саккизта ўйинда ғалаба қозонишди. Аммо ёмон хабар ҳам бор эди: Карим Бензема Мадрид дербисига тикланишга улгурмади, гарчи испан журналистлари ҳужумчи асосий рақиби билан жангда иштирок этишдан охиригача умид қилганини ёзишган. "Қаймоқранглилар" Бенземасиз ўйнади ва "Атлетико" бирданига Антуан Гризманни асосий таркибда туширди, у олдинги барча ўйинларда фақат 60-дақиқадан сўнг майдонга тушди, бу ҳолатда клуб унинг сотиб олиши учун "Барса"га 40 миллион евро тўламайди.
/cdn.vox-cdn.com/uploads/chorus_image/image/71384838/1243340144.0.jpg)
"Атлетико" "Реал Мадрид"ни ўз жарима майдонидан узоқлаштирмоқчи ва 5-3-2 схемасида ҳимояланиб, рақиб тезлигини туширмоқчи эди. Қанот ҳимоячилари вазиятга кўра рақибларини кутиб олиш учун майдонга марказига яқин ҳаракат қилишди. Биринчи бўлимда тўпга эгалик қилиш деярли тенг эди (49%га 51%), аммо "Реал Мадрид" майдоннинг марказида кўпроқ узатмага эга бўлди(182/123). 0:0 ҳисобида Диего Симеоне шогирдлари стандартлар бўйича хавфли вазиятларни яратдилар. Анчелотти тезкор Винисиус ва Родригодан мезбонларнинг учта марказий ҳимоячисидан қочиб кетишларига умид қилди. Аксел Витселни марказий ҳимоячи ролида кўриш одатий ҳол эмас, албатта. Лекин бу Симеоненинг қарори эди.
Майдонда кўплаб тўқнашувлар, Винисиус ва "Реал"нинг бошқа футболчилари иштирокида кичик можаролар бўлди. Рақс ҳикояси ва ирқчилик туҳмати бразилияликнинг ўзини ҳам, унинг рақибларини анча гъазабланишга сабаб бўлганди. Испания матбуоти хабарига кўра, “Атлетико” мухлислари ўйин олдидан стадионда “Винисиус, сен маймунсан!”, деб қўшиқ куйлашган. Бироқ ҳужумчи кеча голдан кейин яна рақсга тушди. Бу сафар ўзининг голидан кейин эмас, балки Родригонинг голидан сўнг.
Танаффусга қадар “қаймоқранглилар” умумий зарбалар сони (4:8) бўйича ҳам, аниқ зарба бериш (3:4) бўйича ҳам мезбонлардан ортда қолишди. Шунга қарамай, улар иккинчи голни ҳам уришди. Лука Модрич билан девор усулида ўйнаган Винисиус "Атлетико" ҳимоясининг ўнг қанотини ёриб ўтди. Бразилиялик футболчининг ўзи гол ура олмади, у дарвоза устунига зарба берди. Аммо Федерико Вальверде қайтган тўпни дарвозга жойлаб қўйди. Анчелотти, агар уругвайлик футболчи бир мавсумда 10та гол урмаса, мураббийлик лицензиясини йиртиб ташлашга ваъда берганида у нима ҳақида гапираётганини билган, шекилли. Унинг ҳисобида ҳозирча 3 гол бор.
Иккинчи бўлимда "Реал Мадрид" ўйинни шундай “бўғиб” ташладики, бу "Атлетико"нинг услубини ўзига қарши қўллаш эди. "Қаймоқранглилар" позицион ҳимояда тўп назорати билан тезликни секинлаштирди ва қарши ҳужумларда Винисиус ва Родригонинг тезкор оёқларига таянишда давом этди.
Бундай уюшган ва савияли рақибга қарши ҳудудий устунлик билан тўпга эгалик қилиш Симеоне жамоаси учун ёқимли нарса эмас. Кросслар, оддий комбинациялар "Атлетико" "Реал"га қўлидан келган барча нарсани таклиф қилди, аммо бу етарли эмаслиги аниқ эди.
Танаффусдан сўнг, ўйин яна-да қизғинлашди. Рақиблар ролларни ўзгартирдилар ва уларнинг психологиясида нимадир ўзгарди. Финал ҳуштагига 10 дақиқа қолганида майдон том маънода ёнди. Мезбонлар бурчак тўпидан сўнг гол уришди ва Тибо Куртуа тўпга чиқиш вақтида хатога йўл қўйди. Тўп Марио Эрмосонинг елкасига тегиб дарвоза тўрига бориб тушди.
Гол урган Симеоне шогирдлари иккинчи 45 дақиқаликда дарвозага биринчи зарбасини беришди. "Атлетико"да умид уйгъонди, лекин иккинчи голни уриш учун уларга вақт етмади. Анчелотти жамоаси хотиржамлик билан ҳисобни сақлаб қолишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
