Юрген Клопп: «Жаҳон Чемпионатининг вақти ўзгариши яхши ғоя эмас»
«Ливерпуль» бош мураббийи Юрген Клопп тиғиз тақвим ҳақида фикр билдирди.
"Жаҳон Чемпионати АПЛга қандай таъсир кўрсатишини билмайман. Йигитлар қайтади ва бир ҳафтадан сўнг яна майдонга тушади. Одатда, 2-3 ҳафта таътил бериларди. Агар сен финалга чиқсанг, дам олишинг учун 2 кун вақтинг бўлади, холос. Ҳақиқатан ҳам жуда узоққа чўзиладиган мавсум бўлади.
Бу яхши ғоя эмас деб ҳисоблайман, лекин бори шу. Биз учун кейинги 6 ҳафта энг муҳими. Мавсумни кўнгилдагидек бошлай олмадик. Энди барчаси ортда қолди. Янгидан бошлаймиз ва очко жамғаришда давом этамиз", — деди Юрген Клопп.
«Ливерпуль» ортда қолган 7 турдан сўнг 9 очко билан 8-ўринда бормоқда. Мерсисайдликлар мусобақа пешқадами «Арсенал»дан 9 очко ортда.
Манба: daryo.uz
Киритилди: 11:11, 01.10.2022. Ўқилди: 1454 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар