Яқинда «Челси» билан янги - олти йиллик шартнома имзолаган Рис Жеймс «кўклар» расмий сайтига интервью берди.
Унда қанот ҳимоячиси келажакда клуби билан нималарга эришмоқчи эканлиги ҳақида гапириб берди, шунингдек, фаолиятидаги айрим муҳим воқеаларини эслади. «Челси» академиясидан чиққан Жеймс ўзининг ажойиб ўйинлари ва жамоа учун ортиб бораётган аҳамияти учун сентябрь ойи бошида янги узоқ муддатли шартнома билан тақдирланди, яъни у олти ёшида «кўклар» билан бошлаган саёҳати энди камида 2028 йилгача давом этади.
- Янги олти йиллик шартнома имзоладингиз. Ўша пайтда сиз учун энг катта қийинчилик нима эди?
- Янги шартнома имзолаш, барқарор эканлигингиз ва бу ерда узоқ вақт бўлишингизни билиш ҳар доим ёқимли. Сўнгги бир неча йил яхши ўтди, лекин биз мағлуб бўлган финаллар ҳам бўлди. Ҳар бир мусобақада ғалаба қозонишни истаймиз ва агар финалга чиқсак, охиригача бормаслигимизга ҳеч қандай сабаб йўқ.
- Яқин истиқбол ҳақида нима дейиш мумкин? Бу мавсумдаги асосий шахсий мақсадингиз нима?
- Бу мавсумда мен учун энг муҳими - жароҳат олмаслик, формамни сақлаб қолиш. Ўйлайманки, ўтган мавсумни яхши ўтказдим - статистикаларим, голларим ва самарали узатмаларим, ўйинларим энг яхшиси эди - лекин 3-4 ойни жароҳат сабаб ўтказиб юбордим - бу жуда узоқ муддат. Шунинг учун ўйлайманки, агар майдонда қолсам, ўтган мавсумдаги натижаларимни яхшилай оламан. Албатта, жароҳат олганингизда бу қийин бўлади. Менимча, қанча вақтга кетганингизни англаган биринчи кунлар энг қийини бўлади. Кейин ишлай бошлайсиз ва ҳолатга ижобий томондан қарайсиз. Ўз олдингизга мақсад қўйишга ҳаракат қиласиз, лекин мен буни ўтган мавсумда амалга оширдим, жуда эрта қайтдим ва яна жароҳат олдим. Бу нарсалар кишини жуда асабийлаштиради - эрта қайтиш, кейин яна уч ҳафтага кетиш бу - биз хоҳлаган нарса эмас.
- Шартнома имзолашдан олдинроқ синглингиз Лорен термада дебют қилди ва сиз иккингиз Англия терма жамоаларида ўйнаган дастлабки ака-сингил бўлдингиз...
- Биз улғайганимизда иккаламиз ҳам бир кун келиб «Челси» ва Англия терма жамоасида ўйнашни орзу қилгандик. Шу кунга насиб қилган экан, бу катта ютуқ, биз доимо интилган орзу эди. Мен унинг қанчалар меҳнат қилганини биламан, умуман, иккаламиз учун ҳам осон бўлмади. Охирги икки йил ичида у ҳам жуда кўп жароҳат олган, демак, бугунги ютуққа етиши учун кўп меҳнат талаб қилинган.
- «Челси» сафида сиз учун энг яхши ўйин қайси бўлган ва нима учун?
- Ўтган мавсумда «Ювентус»ни 4:0 ҳисобида мағлуб этгандик. Шу жуда яхши жамоавий ўйин бўлганди ва ўзим учун ҳам яхши бўлди. Хатолар сонини чеклаб, ўйинга катта таъсир ўтказсангиз, гол уриб, гол ўтказиб юбормайсиз, менимча, бу яхши ўйин. Ўйлайманки, бунда жуда кўп омиллар бор ва уларнинг барчаси рол ўйнайди.
- «Челси» учун ажойиб голлар ургансиз. Қайси бири сизга кўпроқ ёқади?
- «Аякс» билан 4:4 ҳисобида дуранг ўйнаган учрашувимиздагиси. Ўзимни жуда яхши ҳис қилгандим, ўшанда. Бу менинг Чемпионлар лигасидаги биринчи голим эди ва ўйин ҳам ақл бовар қилмас даражада кечганди. Биз 4:1 ҳисобида ютқазаётгандик, лекин агарда ўйинга қайтиб дуранг ўйнаймиз, деб айтсам, устимдан кулишарди.
- Ўтган мавсум «Челси» учун 6та гол ва 10та ассист қайд этдингиз - бу катталар футболидаги энг яхши натижаларингиз.
- Мен ўз қобилиятим ва тўпга қанчалик яхши зарба бера олишимни биламан. Имконият бўлди дегунча, доимо гол уришга ҳаракат қиламан. Ҳамиша гол уриш ёки голли узатма бериш учун ўзимга яхши имконият яратишга ҳаракат қиламан. Авваллари қанот ҳимоячилари шунчаки қанот ҳимоячиси эди, энди эса улардан қўшимча ўйинчи сифатида фойдаланишга ҳаракат қилишяпти.
М.ПЎЛАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
