- Килиан Мбаппе Евромайдонда гол уриш борасида етакчига айланиб олди. У бу борада Ференц Пушкашни ортда қолдирган. Рўйхатнинг кейинги поғоналарида Герд Мюллер, Самюэль Это'о, Уэйн Руни, Дaвид Трезеге, Райан Гиггз, Луис Суарес ҳамда Ромариолар мавжуд.
- 2022 йилнинг сентябрь ойида Мбаппе ЕЧЛда 35 та гол уришга эришган энг ёш футболчига айланди. У шунингдек, 30, 25, 20 ва 15 та гол урган энг ёш футболчи ҳам бўлганди (Мессининг рекорди янгиланган). ЕЧЛда 10 та гол урган энг ёш футболчи бўлиш орқали эса, у Бенземадан ўзиб кетган.
- Мбаппе "Барселона"га қарши хет-трик қайд этган 3 та футболчидан биридир. Қолаверса, у бир мавсумда каталонларга қарши 4 та гол урган ЕЧЛ тарихидаги илк ҳужумчига айланган.
- Мбаппе "ПСЖ" таркибида евромусобақаларда энг кўп гол урган футболчи саналади. Бундан ташқари у парижликлар тарихидаги энг яхши иккинчи тўпурардир.
- Килиан Мбаппе ЕЧЛ чорак ва ярим финалларининг ҳар икки даврасида гол урган тарихдаги энг ёш футболчидир. Қолаверса, у ЕЧЛнинг энг ёш тўпурарлари рўйхатида етакчи саналади.
- Мбаппе ЕЧЛ доирасида жами 22 та жамоага қарши баҳс юритган. Шулардан тўрттасигина Мбаппени зарарсизлантира олган холос. Қолганлари билан баҳсда французнинг омади чопган.
- Килиан Мбаппе инглиз клублари билан жами 12 та ўйин ўтказган. У "Манчестер Сити", "МЮ", "Ливерпуль" ҳамда "Тоттенхэм"нинг ҳар бирига гол ва ассистни амалга ошира олган.
- Мбаппе 1998 йилдан бери Франция таркибида расмий ўйинда хет-трик қайд этган илк ҳужумчи саналади.
- Мбаппе Жаҳон чемпионати ва унинг финалида гол урган энг ёш футболчиларнинг иккинчисидир.
- Килиан Мбаппе футбол тарихидаги энг қиммат ўсмир футболчи. Умумий олганда эса бу борада Неймардан кейинги иккинчи ўринда туради (2017 йил, 166 миллион фунт).
- Мбаппе Франция ички чемпионатида сўнгги тўрт йилнинг энг яхши тўпурарига айланган. У янги мавсумда ҳам шу мақомга эга. Франция чемпионатининг бу борадаги энг яхши натижаси бешта "Олтин бутса" саналади.
- Килиан Мбаппе Франция чемпионатини тўпурар ва энг яхши ассист муаллифи сифатида тугатган тарихдаги илк футболчидир (2021-22).
- Мбаппе Францияда кетма-кет уч марта "Йил ўйинчиси" совринини қўлга киритган илк ҳужумчи.
- Килиан Мбаппе ўз фаолияти давомида клуб ва терма жамоа сафида жами 361 та ўйин ўтказган в 242 та голга муаллифлик қилди. У бу давр мобайнида 14 та соврин ютишга муваффақ бўлган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
