"Насаф" бош мураббийи Рўзиқул Бердиев Ўзбекистон кубоги ярим финал босқичи доирасида бўлиб ўтган АГМК клубига қарши ўйин (2:1) борасида ўз фикрлари билан ўртоқлашди.
— Бугун мухлисларимизнинг дуоси, уларнинг стадиондаги ёрдами жуда катта бўлди. Бугун уларга ҳақиқий қувонч улашдик. Бундан жуда ҳам хурсандмиз. Финалда ҳам бор кучимизни бериб, ишқибозларимизни хурсанд этишни мақсад қилганмиз ва шу мақсад йўлида курашамиз.
Ўйинни яхши бошладик ва кўп вазиятлар яратдик. АГМК гол урган вазиятда эса эътибоорни йўқотиб қўйдик. Бугунги рақибимиз куч эди. Бугун жуда кучли рақибни мағлуб эта олдик. Иккинчи бўлимда эса ўзгаришларни амалга ошириб, ўйинимизни кучайтира олдик ва ғалабага эришдик.
— "Насаф" саккизинчи марта финалга чиқди. Жамоа 2 марта Кубокни қўлга киритган. Бухорода ўтадиган финалда жамоанинг имкониятларини қандай баҳолайсиз? — Мураббийлар ва футболчиларнинг мақсади ҳам Кубокни қўлга киритиш. Мухлисларимизнинг талаби ҳам шундай. Бунинг учун бор кучимизни бериб ҳаракат қиламиз. Финалда рақибнинг ким бўлиши аҳамиятга эга эмас. "Навбаҳор" ва "Сўғдиёна"дан муносиби финалга чиқади.
— Ҳакамлик борасида фикрингиз. — Бугун уларга эътирозим йўқ. Ҳакамлар вазиятларни кўриб, тўғри қарорлар қабул қилишди, деб ўйлайман.
— "Насаф"нинг сўнгги пайтдаги голларини ҳимоячилар уришмоқда... — Замонавий футболда бўйи баланд футболчилардан фойдаланиш керак. Шунинг учун стандартларга кўп эътибор қаратяпмиз.
Уч марказий ҳимоячи билан ўйнаганимизда қанот ҳимоячиларимизга кўп юклама тушади. Шерзод Насруллаев ва Дилшод Саитов чарчаб қолишди. Шунинг учун уларнинг ўрнига Шароф ва Зафармуродни туширдик. Улар ўйинга яхши киришиб кетишди.
— Кубок ўйинларда дарвозабон Умид Эргашевга ёрдам беряпсиз. Бунинг сабаби нимада? — Абдувоҳид Неъматов ва Умид Эргашев олимпия терма жамоамизга номзод ўйинчилар ҳисобланади. "Сўғдиёна"га қарши дуранг ўйнганимизда Абдувоҳиднинг озгина хатоси бўлди. Шунинг учун бугун Умидга имкон беришга қарор қилдик.
Манба: stadion.uz
Киритилди: 07:47, 14.10.2022. Ўқилди: 11649 марта. Фикрлар: 2 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
