Кеча Тошкентдаги "Жар" стадиони ёнидаги машғулотлар майдонида Муборакнинг "Машъал" ҳамда Олмалиқнинг "Олмалиқ" жамоалари ўзаро куч синашишди. Ўйин жанговор руҳда кечди ва жамоалар жанговор дурангга имзо чекишди. Учрашувда "Машъал" оқ формада, "Олмалиқ" кўк формада майдонга тушди.
Учрашувнинг биринчи бўлимида Самандар Шодмонов томонидан киритилган иккита гол "Машъал"ни ҳисобда олдинга олиб чиқди. "Машъал" биринчи бўлимда анча яхши таассурот қолдирди . 29-дақиқага келиб кетма-кет ҳужумлардан бирини Самандар Шодмонов гол билан якунлади. Қанотдан ошириб берилган тўпни бош билан "Олмалиқ" дарвозасига аниқ жойлаб қўйди. Учрашувнинг 42-дақиқасида Шодмонов ўзининг иккинчи голини киритиб дубл қайд этди. "Машъал" таркибида биринчи лигадан келиб кўрикдан ўтаётган футболчилар ҳам ҳаракат қилишди. "Янгиер"дан Жамшид Ҳасанов келиб йиғинга қўшилган бўлса, "Гулистон"дан Хуршид Йўлдошев келиб ўз иқтидорини намоён этди .
"Олмалиқ" таркибига келиб қўшилганлар: Владимир Чекунов "Навбаҳор"дан, "Динамо"дан Зафар Полвонов келиб қўшилди.
Олмалиқликлар иккинчи бўлимга келиб ўйин тизгинини ўз қўлларига олишди. Кетма-кет уюштирилган ҳужумлар оқибатида "Олмалиқ" ҳатто ҳисобда олдинга ҳам чиқиб олди. Шу ўринда Игор Шквириннинг захирадан футболчиларни ўз вақтида туширганлигини ҳам алоҳида таъкидлаб ўтиш жоиз. Захирадан тушган ўйинчилар ўйинни анча кучайтиришди. Ўйиннинг энг сўнгги дақиқасида заҳирадан майдонга туширилган Шаҳзод Шайманов "Машъал"ни мағлубиятдан қутқариб қолди.
Аввал хабар бериб ўтганимиздек, Носир Отақўзиев бугундан "Олмалиқ" таркибига келиб қўшилди. Ҳаттоки "Олмалиқ" захира ўйинчилари билан бирга машғулотлар ҳам ўтказди. Айрим расман тасдиқланмаган маълумотларга кўра, Носир Отақўзиев "Олмалиқ" таркибида ижара асосида тўп суради. Унинг ижара шартномаси олти ой муддат деб белгиланган бўлиб, Отақўзиев ҳуқуқий жиҳатдан "Насаф" футболчиси бўлиб қолаверади.
Назорат ўйини
"Машъал"-"Олмалиқ" 3:3 (2:0)
Голлар: Самандар Шодмонов (29', 42'), Аршин Тюленов (55'), Достон Абдураҳмонов(69'), Фарруҳ Нурлибоев (77'), Шаҳзод Шайманов (90')
"Машъал": 30.Ўткир Юсупов, 18.Аббос Шодмонов, 17.Шуҳрат Муҳаммадиев, 15.Габит Сапаргалиев (3.Дилавер Ваниев, 46'), 4.Абдували Мўминов, 8.Самандар Шодмонов, 11.Мирзоҳид Ғофуров, 14.Игор Петкович (5.Шаҳзод Шайманов) 9.Нодир Давлатов, 19.Жамшид Ҳасанов, 10.Хуршид Юлдошев
"Олмалиқ": 50.Роман Абдулов, 9.Алишер Холиқов (12.Лупашко), 13.Олег Зотеев, 20.Сирож Ҳамраев (4.Фаррух Нурлибоев), 17.Аршин Тюленов, 14.Исроил Эргашев, 10.Санжар Шоаҳмедов (7.Достон Абдураҳмонов), 18.Владимир Чекунов, 5.Зафар Полвонов, 8.Тимур Айзатулов, 19.Маъруф Муродов (11.Зоҳид Пиримов,46')
Бош ҳакам: Игор Гармашов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
