Сохта Мирзаҳаким Тўхтамирзаевга мурожаат
Инсон кўнгли жуда нозик. Уни бехос ранжитишдан эҳтиёт бўлиш зарур. Агар ўзингиз хоҳламаган ҳолда бошқанинг дилига озор бериб қўйсангиз, узр сўраш орқали айбингизни ювишга интиласиз. Мабодо шу ишга атайин қўл урсангиз, гуноҳга ботасиз.
Маълум муддат мобайнида интернетдаги Одноклассникида ўзини Мирзаҳаким Тўхтамирзаев деб атаган, одамларни ишонтириш мақсадида суратларимни интернетдан олиб жойлаштирган нопок кимса кўплаб юртдошларимизни хафа қилиб келмоқда. Аввалига у айрим шахсларга нисбатан бўлмағур гапларни ёзиб, уларни ҳақоратлашга интилди. Бевосита учрашганда, телефон орқали суҳбатлашганда ёки умумий танишлар орқали аниқлик киритилганда ҳақоратланганлар бу ишлар муаллифи мен эмас, бошқа эканига ишонч ҳосил қилишди. Ўшанда интернет орқали инсофга чақирганим кор қилмади. Ҳар бир савобу гуноҳимизни яратган эгам кўриб турибди деб қўя қолдим. Унгаям муносиб жазо берилар деб ўйладим.
Лекин сўнгги кунларда менинг исми-шарифимни ўзлаштириб олган кимса ҳаддидан ошиб кетди. У энди минглаб футбол мухлисларининг эҳтиросларига очиқчасига таъсир кўрсатиш мақсадида йўқ гапларни ёзишга киришди. Унинг ёзаётган гаплари нотинчлик ва тартибсизлик келтириб чиқаришни мақсад қилгандек таассурот туғилди. Бунга эса бефарқ қараб бўлмайди. Футбол мухлисларининг аксарияти янгиликларни ўзбек тилидаги сайтларимиздан олишларини назарда тутиб қуйидагиларни маълум қилмоқчиман:
1. Одноклассникидаги Мирзаҳаким Тўхтамирзаев сохта. Ушбу профилда берилган хабар ва маълумотларга мутлақо алоқам йўқ. Ҳаттоки ёшимни нотўғри кўрсатган. Бераётган матнларида имло хатолари кўплиги ҳам шаънимга доғ туширади.
2. Менинг профилимда исми шарифим лотин ҳарфларида битилган Mirzahakim Tuxtamirzaev. Мурожаатларга имкон қадар жавоб беришга ҳаракат қилиб келаман, аммо бўш вақтим камлиги боис доим ҳам алоқага чиқа олмайман.
3. Ҳар ким ўз нуқтаи назарини ифодалаш ҳуқуқига эга. Лекин бировнинг номидан нотўғри маълумот тарқатиш бу жиноят.
Муқаддас Рамазон ойида ҳар биримиз савоб ишларни қилишимиз, инсонларнинг кўнглини ранжитмаслигимиз даркор.
Сохта Мирзаҳаким Тўхтамирзаевни яна бир бор инсофга чақириб, ҳақиқий Мирзаҳаким Тўхтамирзаев.
Киритилди: 14:45, 20.07.2012. Ўқилди: 6998 марта. Фикрлар: 5 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
