Россия. «Торпедо» РПЛ 15-турида «Спартак» меҳмони бўлиб, ортга 0:1 ҳисобидаги мағлубият билан қайтди. Жамоа ярим ҳимоячиси Ҳожимат Эркинов бу сафар ўйинга 34-дақиқада қўшилди.
«Пари НН» эса Самарада Иброҳимхалил Йўлдошевсиз ўйнаб, ўта аламли тарзда енгилди. Яъни «Крилья Советов» 90+2 ва 90+9-дақиқаларда урилган голлар эвазига мағлубиятни ғалабага алмаштирди - 2:1.
Қозоғистон. «Ордабаси» ҚПЛ 25-турида чемпионлик учун курашаётган «Актобе» билан куч синашди ва 0:2 ҳисобида ютқаза туриб, якунда дурангга эришди - 2:2. Шимкент клуби ҳимоячиси Одил Абдумажидов тўлиқ вақт тўп сурган бўлса, ярим ҳимоячи Шаҳбоз Умаров атиги 77-дақиқада захирадан майдонга тушди. қозоғистон чемпионати. Игорь Сергеев тўлиқ ҳаракат қилган учрашувда «Тобол» - «Тараз» ўйини эса 2:0 ҳисобида якунланди. Игорь Сергеев жамоасининг бу ғалабасига 90 дақиқалик фаол ҳаракати билан ҳисса қўшди.
БАА. Азиз Ғаниев 75-дақиқада узоқ масофадан урган чиройли голи билан «Шабаб Ал-Аҳли»га ғалаба келтирди. Гап БАА Про-лигаси 8-туридан ўрин олган «Ал-Айн»га қарши ўйин ҳақида кетмоқда. Айтиш жоиз, ҳисобни 2:1га етказган ҳамюртимиз майдонга захирадан тушганди.
Туркия. Отабек Шукуров тўлиқ вақт тўп сурган ўйинда унинг жамоаси «Фотиҳ Қорагюмрюк» ўз майдонида «Галатасарой»га бас келолмади - 0:2. «Фотиҳ» шу мағлубиятдан кейин Суперлига турнир жадвалида 12-ўринга тушди. Ҳамюртимиз жамоаси ҳисобида 12 турдан кейин 12 очко бор.
Италия. Элдор Шомуродов «Рома»нинг ЕЛ гуруҳ босқичи 5-туридан ўрин олган ХИК клубига қарши ўйини 77-дақиқада майдонга тушди. Терма жамоамиз қисқа вақтда ўзини кўрсатишга уринди, аммо майдонни самарали ҳаракатсиз тарк этди. Муҳими, римликлар 2:1 ҳисобида ғалаба қозониб, «плей-офф»га чиқиш имкониятини анча яхшилаб олишди. Жозе Моуриньо жамоаси «А» серияда эса тур ўйинини кеча сафарда «Верона» билан ўтказди.
Беларусь. «Энергетик-БГУ» чемпионлик учун кураш йўлидаги муҳим паллада ўз майдонида БАТЭга ютқазиб қўйди. 0:2 ҳисоби қайд этилган баҳсда «талабалар» сафидаги ҳимоячи Абдуқодир Ҳусанов ва ҳужумчи Бобур Абдухолиқов тўлиқ 90 дақиқа тўп суришди. Ҳусанов 89-дақиқада сариқ карточка ҳам олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
