Rossiya. «Torpedo» RPL 15-turida «Spartak» mehmoni bo‘lib, ortga 0:1 hisobidagi mag‘lubiyat bilan qaytdi. Jamoa yarim himoyachisi Hojimat Erkinov bu safar o‘yinga 34-daqiqada qo‘shildi.
«Pari NN» esa Samarada Ibrohimxalil Yo‘ldoshevsiz o‘ynab, o‘ta alamli tarzda yengildi. Ya’ni «Krilya Sovetov» 90+2 va 90+9-daqiqalarda urilgan gollar evaziga mag‘lubiyatni g‘alabaga almashtirdi - 2:1.
Qozog‘iston. «Ordabasi» QPL 25-turida chempionlik uchun kurashayotgan «Aktobe» bilan kuch sinashdi va 0:2 hisobida yutqaza turib, yakunda durangga erishdi - 2:2. Shimkent klubi himoyachisi Odil Abdumajidov to‘liq vaqt to‘p surgan bo‘lsa, yarim himoyachi Shahboz Umarov atigi 77-daqiqada zaxiradan maydonga tushdi. qozog‘iston chempionati. Igor Sergeev to‘liq harakat qilgan uchrashuvda «Tobol» - «Taraz» o‘yini esa 2:0 hisobida yakunlandi. Igor Sergeev jamoasining bu g‘alabasiga 90 daqiqalik faol harakati bilan hissa qo‘shdi.
BAA. Aziz G‘aniyev 75-daqiqada uzoq masofadan urgan chiroyli goli bilan «Shabab Al-Ahli»ga g‘alaba keltirdi. Gap BAA Pro-ligasi 8-turidan o‘rin olgan «Al-Ayn»ga qarshi o‘yin haqida ketmoqda. Aytish joiz, hisobni 2:1ga yetkazgan hamyurtimiz maydonga zaxiradan tushgandi.
Turkiya. Otabek Shukurov to‘liq vaqt to‘p surgan o‘yinda uning jamoasi «Fotih Qoragyumryuk» o‘z maydonida «Galatasaroy»ga bas kelolmadi - 0:2. «Fotih» shu mag‘lubiyatdan keyin Superliga turnir jadvalida 12-o‘ringa tushdi. Hamyurtimiz jamoasi hisobida 12 turdan keyin 12 ochko bor.
Italiya. Eldor Shomurodov «Roma»ning YEL guruh bosqichi 5-turidan o‘rin olgan XIK klubiga qarshi o‘yini 77-daqiqada maydonga tushdi. Terma jamoamiz qisqa vaqtda o‘zini ko‘rsatishga urindi, ammo maydonni samarali harakatsiz tark etdi. Muhimi, rimliklar 2:1 hisobida g‘alaba qozonib, «pley-off»ga chiqish imkoniyatini ancha yaxshilab olishdi. Joze Mourinyo jamoasi «A» seriyada esa tur o‘yinini kecha safarda «Verona» bilan o‘tkazdi.
Belarus. «Energetik-BGU» chempionlik uchun kurash yo‘lidagi muhim pallada o‘z maydonida BATEga yutqazib qo‘ydi. 0:2 hisobi qayd etilgan bahsda «talabalar» safidagi himoyachi Abduqodir Husanov va hujumchi Bobur Abduxoliqov to‘liq 90 daqiqa to‘p surishdi. Husanov 89-daqiqada sariq kartochka ham oldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
