Яқиндагина ўринбосарларимизга катта мураббий сифатида таништирилган Рўзиқул Бердиев шогирдлари иккинчи давра баҳсларига Қарши шаҳрида ҳозирлик кўришмоқда. Айни пайтда жамоада бир йўла 15 нафар ёш футболчилар кўрикдан ўтишмоқда.
Куни кеча ушбу жамоа футболчилари “Шўртан” ўринбосарларига қарши назорат учрашувида майдонга чиқишди ва 3:4 ҳисобида имкониятни бой беришди.
Ушбу учрашувга жамоа устози қуйидаги таркибни майдонга туширди:
Жавоҳир Комилов, Аброр Анваров , Умид Зуфаров , Жавлон Рамазонов (95), Бобир Тошев, Мақсуд Нормаҳмадов, Достон Баҳромов, Феруз Фахриддинов, Акбар Алишеров, Алишер Ҳатамов, Евгений Дук.
Захирадан тушганлар: Лутфуллаев, Муродуллаев, Ҳамиджанов. Маликов, Баратов, Нормаҳмедов.
Таркибидан кўриниб турибидики, шу куни ёшларимиз устози жамоадан кўрикдан ўтаётган барча футболчиларга имкон берган. Ўринбосарлар жамоасидан голларга Маликов, Фаҳриддинов, Нормаҳмедов муаллифлик қилишди.
Кеча эса ёш футболчиларимиз иккинчи лигада Нишон тумани шарафини ҳимоя қиладиган ГРЭС жамоаси билан навбатдаги назорат учрашувини ўтказишди. Унда Рўзиқул Бердиев шогирдлари 2:1 ҳисобида ғалабага эришишди.
Бу учрашувда эса қуйидаги таркиб майдонга чиқарилди: Азамат Аҳмедов, Тоҳир Абдураззоқов, Одил Ҳамробеков, Умид Зуфаров, Миржалол Мўминов, Нодир Санақулов, Феруз Фахриддинов, Аслиддин Лутфуллаев, Дониёр Нарзуллаев, Азиз Маликов, Санжар Баратов.
Захирадан майдонга тушганлар: Алишер Турдиев, Нормаҳмадов, Нажмиддин Нормуродов, Алишер Ҳатамов, Жавоҳир Комилов.
— “Шўртан”га қарши ўтган назорат учрашувида таркибимизда кўрикдан ўтаётган 15 нафар футболчининг имкониятларини синовдан ўтказдик, - дейди ўринбосарлар катта мураббийи Рўзиқул Бердиев. – ГРЭСга қарши ўйинда ҳам яна 3-4 нафар янги футболчиларга имкон бердик. Асосий эътиборни “Насаф” футбол мактаби тарбияланувчиларига қаратаяпмиз. Ўқув-йиғин машғулотларига саккиз нафар мактаб тарбиланувчисини жалб қилганмиз.
Бугундан бошлаб ёш футболчиларимизга уч кунлик таътил элон қилинди. 26 июлдан бошлаб улар машғулотларни Қаршида давом эттиришади ва “Олмалиқ”қа қарши кечадиган учрашувгача яна битта назорат ўйинида майдонга чиқишлари режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
