2022 йилги жаҳон чемпионати Қатарда 20 ноябрь куни бошланади ва 18 декабрга қадар давом этади. Ҳар бир жамоа ФИФА томонидан кафолатланган пул мукофотини олади. Йилнинг асосий турнири иштирокчилари қанча даромад олишини кўриб чиқамиз.
ЖЧ-2022 ғолиб ва совриндорлари қанча пул олади?
ФИФА расмий баёнотига кўра, Қатарда бўлиб ўтадиган жаҳон чемпионатининг мукофот жамғармаси 440 миллион долларни ташкил қилади. Бу 2018 йилги турнирдан 40 миллионга кўп. Бразилияда эса ундан ҳам камроқ — 358 миллион доллар.
Шу билан бирга, барча жамоалар жаҳон чемпионатига тайёргарлик кўриш учун 1,5 миллион доллар ишлаб топадилар. Шунингдек, улар гуруҳ босқичидаги иштироки учун 9 миллион доллар олиш ҳуқуқига эга. Турнир ғолиби рекорд даражадаги 42 миллион долларга эга бўлади. Шундай қилиб, жами жаҳон чемпиони Қатардан 52,5 миллион доллар олади.
Кумуш медал соҳиби 30 миллион доллар, бронза медал соҳиби 27 миллион доллар, тўртинчи жамоа эса 25 миллион доллар олади.
Қолган жамоаларнинг бюджети қуйидагича:
5-8-ўринлар – 68 миллион доллар (ҳар бири 17 миллиондан);
9-16-ўринлар - 104 миллион доллар (ҳар бири 13 миллиондан).
Бундан ташқари ФИФА клубларга футболчиларнинг жаҳон чемпионатидаги ўйинлари учун компенсация тўлаш учун яна 209 миллион доллар ажратди.
Норасмий маълумотларга кўра, тўловларнинг умумий миқдори тахминан 1 миллиард долларни ташкил қилади. Ва бу мутлақ рекорддир.
Жаҳон чемпионати ғолиблари аввал қанча олишган?
Франция терма жамоаси Россияда бўлиб ўтган жаҳон чемпионатида ғолиб чиққани учун ФИФАдан 38 миллион доллар олган бўлса, Германия 2014 йилда 35 миллион доллар олган. Ҳар бир янги турнирда бу маблағ ортиб бормоқда.
Қатарнинг ЖЧ-2022дан оладиган даромади
ЖЧ-2022 ташкилий қўмитаси раиси Носир Ал-Хатернинг айтишича, Қатар турнирга тайёргарлик кўриш учун киритилган сармоядан икки баробар кўп даромад олишни кутмоқда.
“Бундай кенг миқёсдаги турнир ўтказилса, одатда туристик фаоллик ошади. Мисол учун, бу Бразилия ва Россияда олдин содир бўлган. Тадбирдан кутилаётган даромад 17 миллиард долларни ташкил қилади. Шу билан бирга, харажатлар деярли 8 миллиард долларга тенг”, деди Ал-Хатер Cоурриер Интернатионал нашрига.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
