Жаҳон чемпионати қатнашчиларининг либослари билан танишишда давом этамиз.
Испания - Adidas
"Қизил Фурия"нинг асосий либосини олдиндан қандай бўлишини тахмин қилса бўлади ва бу йил ҳам у ўтмишдаги классик комбинациялардан фарқ қилмайди.
Коста-Рика – New Balance
Бир йил аввал Коста-Рика футбол ассоциацияси янги логотипни тақдим этди. Бошқа жиҳатлари билан форма аввалги чемпионатдагилар билан катта фарқ қилмайди.
Германия - Adidas
Немислар аллақачон бизни қизиқарли ва замонавий либосларга ўргатиб қўйишган. Қатардаги жаҳон чемпионати ҳам бундан мустасно бўлмайди, “Бундестим” бу турнирда қора чизиқли чиройли оқ либосда ўйнайди. Бу терма жамоа тарихидаги илк либослардан бирининг дизайнига ишора. Металл ва олтин деталларнинг комбинацияси бу либосни яна-да ёрқинлаштирган.
Япония - Adidas
Япониялик дизайнерлар кимоно тикишда қўлланиладиган сашико тикув техникасидан илҳом олишган. Шунингдек, оригами санъатини акс эттирувчи белгиларни ҳам либосда учратиш мумкин.
Бельгия - Adidas
Бельгия одатда қизил ва қора ранглардан фойдаланган либосларда ўйнайди. Асосий форманинг енгларидаги олов тасвирини ҳисобга олмаса, яққол ажралиб турадиган тарафи йўқ.
Канада - Nike
Канада Жаҳон чемпионати учун янги либос тақдим этмаган ягона жамоадир. Nike тушунтирганидек, улар энди янги тўпламнинг дизайнини ишлаб чиқмоқда экан. Шунинг учун Қатарда Алфонсо Девис ва бошқа канадаликлар энг оддий либосларда ҳаракат қилади.
Марокаш - Puma
Марокаш терма жамоасининг асосий формаси 1998 йилдагига ўхшатма қилинган бўлиб, ўшанда терма жамоа жаҳон чемпионати ўйинларидаги сўнгги ғалабасини қўлга киритган.
Хорватия - Nike
Хорватиялик “шашка”лар бу жамоанинг азалий хусусияти ҳисобланади. Албатта, жаҳон чемпионатида уларни ҳеч ким рад этмоқчи эмасди. Аммо Nike футболканинг марказидаги жойни бўшатиб, дизайнга бироз янгилик киритди.
Бразилия - Nike
Ҳар доимгидек, Жаҳон чемпионатида Бразилия сариқ-оқ-кўк либосда ўйнайди. Аммо бу ерда ҳам ғайриоддий ечимлар мавжуд. Асосий либосда билинеар-линмас нашқлар мавжуд.
Сербия – Puma
Сербларнинг асосий формаси оддий дизайнга эга, тўқ қизил ранг ва олтин безак комбинациясидан иборат.
Швейцария - Puma
Швейцария, жаҳон чемпионатининг бошқа иштирокчилари каби, тўпламни тайёрлашда ўтмишнинг рамзий шаклларидан илҳом олди. Меҳмон либосида асосий эътибор кўкрак қафасидаги нақшга қаратилган бўлиб, у ерда ўйин рақамидан ташқари, Швейцария байроғи ва мамлакат футбол федерацияси логотипини жойлаштиришга муваффақ бўлишди.
Камерун – Оne All Sports
Камерун миллий терма жамоасининг футболкалари дизайнлари улар Le Coq Sportif бренди билан ҳамкорлик қилганларида баҳсли ҳолатлар бўлган эди. Суд жараёнидан сўнг, терма жамоа машҳур бўлмаган яна бир бренд - Оne All Sports томонидан экипировкалар билан таъминланади.
Португалия - Nike
Nike Португалия терма жамоаси билан 25 йиллик ҳамкорликни ноодатий асосий либос билан нишонлашга қарор қилди. Португалия футболкаси қизил ва яшил рангларга бўлинган. Ушбу дизайн миллий терма жамоада биринчи марта қўлланилмоқда. Nike хабарига кўра, мақсад ўйинчилар байроқни таққандек кўринишга эга бўлиш эди.
Гана-Puma
Оддий, ортиқча безакларсиз Гананинг либосини тасаввур қилиш қийин, лекин бу йил уларнинг либослари айнан шундай ҳолайтда. Аммо давлат байроғи рангларидаги манжетлар оқ фон билан ажойиб тарзда ажралиб туради.
Уругвай - Puma
Асосий формалар тўпламида Puma классик ва ғайриоддий ечимларни бирлаштириб, ажойиб иш қилди. Бир қарашда, Уругвай учун анъанавий бўлган кўк рангли футболка ҳеч қандай тарзда ажралиб турмайди. Бошқа томондан, оқ манжетлар, ёқа ва тугмачалар либосга ўзига хос жозиба беради. Захира формаси Аргентина термасиникига жуда ўхшайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
