Jahon chempionati qatnashchilarining liboslari bilan tanishishda davom etamiz.
Ispaniya - Adidas
"Qizil Furiya"ning asosiy libosini oldindan qanday bo‘lishini taxmin qilsa bo‘ladi va bu yil ham u o‘tmishdagi klassik kombinasiyalardan farq qilmaydi.
Kosta-Rika – New Balance
Bir yil avval Kosta-Rika futbol assosiasiyasi yangi logotipni taqdim etdi. Boshqa jihatlari bilan forma avvalgi chempionatdagilar bilan katta farq qilmaydi.
Germaniya - Adidas
Nemislar allaqachon bizni qiziqarli va zamonaviy liboslarga o‘rgatib qo‘yishgan. Qatardagi jahon chempionati ham bundan mustasno bo‘lmaydi, “Bundestim” bu turnirda qora chiziqli chiroyli oq libosda o‘ynaydi. Bu terma jamoa tarixidagi ilk liboslardan birining dizayniga ishora. Metall va oltin detallarning kombinasiyasi bu libosni yana-da yorqinlashtirgan.
Yaponiya - Adidas
Yaponiyalik dizaynerlar kimono tikishda qo‘llaniladigan sashiko tikuv texnikasidan ilhom olishgan. Shuningdek, origami san’atini aks ettiruvchi belgilarni ham libosda uchratish mumkin.
Belgiya - Adidas
Belgiya odatda qizil va qora ranglardan foydalangan liboslarda o‘ynaydi. Asosiy formaning yenglaridagi olov tasvirini hisobga olmasa, yaqqol ajralib turadigan tarafi yo‘q.
Kanada - Nike
Kanada Jahon chempionati uchun yangi libos taqdim etmagan yagona jamoadir. Nike tushuntirganidek, ular endi yangi to‘plamning dizaynini ishlab chiqmoqda ekan. Shuning uchun Qatarda Alfonso Devis va boshqa kanadaliklar eng oddiy liboslarda harakat qiladi.
Marokash - Puma
Marokash terma jamoasining asosiy formasi 1998 yildagiga o‘xshatma qilingan bo‘lib, o‘shanda terma jamoa jahon chempionati o‘yinlaridagi so‘nggi g‘alabasini qo‘lga kiritgan.
Xorvatiya - Nike
Xorvatiyalik “shashka”lar bu jamoaning azaliy xususiyati hisoblanadi. Albatta, jahon chempionatida ularni hech kim rad etmoqchi emasdi. Ammo Nike futbolkaning markazidagi joyni bo‘shatib, dizaynga biroz yangilik kiritdi.
Braziliya - Nike
Har doimgidek, Jahon chempionatida Braziliya sariq-oq-ko‘k libosda o‘ynaydi. Ammo bu yerda ham g‘ayrioddiy yechimlar mavjud. Asosiy libosda bilinear-linmas nashqlar mavjud.
Serbiya – Puma
Serblarning asosiy formasi oddiy dizaynga ega, to‘q qizil rang va oltin bezak kombinasiyasidan iborat.
Shveysariya - Puma
Shveysariya, jahon chempionatining boshqa ishtirokchilari kabi, to‘plamni tayyorlashda o‘tmishning ramziy shakllaridan ilhom oldi. Mehmon libosida asosiy e’tibor ko‘krak qafasidagi naqshga qaratilgan bo‘lib, u yerda o‘yin raqamidan tashqari, Shveysariya bayrog‘i va mamlakat futbol federasiyasi logotipini joylashtirishga muvaffaq bo‘lishdi.
Kamerun – One All Sports
Kamerun milliy terma jamoasining futbolkalari dizaynlari ular Le Coq Sportif brendi bilan hamkorlik qilganlarida bahsli holatlar bo‘lgan edi. Sud jarayonidan so‘ng, terma jamoa mashhur bo‘lmagan yana bir brend - One All Sports tomonidan ekipirovkalar bilan ta’minlanadi.
Portugaliya - Nike
Nike Portugaliya terma jamoasi bilan 25 yillik hamkorlikni noodatiy asosiy libos bilan nishonlashga qaror qildi. Portugaliya futbolkasi qizil va yashil ranglarga bo‘lingan. Ushbu dizayn milliy terma jamoada birinchi marta qo‘llanilmoqda. Nike xabariga ko‘ra, maqsad o‘yinchilar bayroqni taqqandek ko‘rinishga ega bo‘lish edi.
Gana-Puma
Oddiy, ortiqcha bezaklarsiz Gananing libosini tasavvur qilish qiyin, lekin bu yil ularning liboslari aynan shunday holaytda. Ammo davlat bayrog‘i ranglaridagi manjetlar oq fon bilan ajoyib tarzda ajralib turadi.
Urugvay - Puma
Asosiy formalar to‘plamida Puma klassik va g‘ayrioddiy yechimlarni birlashtirib, ajoyib ish qildi. Bir qarashda, Urugvay uchun an’anaviy bo‘lgan ko‘k rangli futbolka hech qanday tarzda ajralib turmaydi. Boshqa tomondan, oq manjetlar, yoqa va tugmachalar libosga o‘ziga xos joziba beradi. Zaxira formasi Argentina termasinikiga juda o‘xshaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
