5 декабрь куни жаҳон чемпионатининг 1/8 финал босқичининг навбатдаги ўйинлари бўлиб ўтади. Япония терма жамоаси Хорватия термаси билан, Бразилия эса Жанубий Корея билан кураш олиб боради. Five Thirty Eight суперкомпьютери ғолибларни башорат қилди. Компьютер жамоаларнинг ҳужум ва мудофаадаги кучини акс эттирувчи Soccer Power Index деб аталадиган кўрсаткичга асосланади.
Япония - Хорватия
Суперкомпьютерга кўра, куннинг биринчи ўйинида мухлислар тахминан тенг ўйин кутишмоқда. Бироқ бироз устунлик ҳамон Хорватия терма жамоаси томонида: 54% японияликлар учун 46%. Хорватлар турнирда ҳали бирорта ҳам мағлубият аламини тотиб кўришмаган, бироқ улар икки марта (Марокаш ва Белгия терма жамоалари билан) 0:0 ўйнаб, Канадани 4:1 ҳисобида мағлуб этиб, иккинчи ўрин билан гуруҳдан чиқишди. Япония терма жамоаси, аксинча, 2-турда Коста-Рикага имкониятни бой берди, аммо Германия ва Испания устидан қозонилган шов-шувли ғалабалар осиёликларга биринчи ўринда 1/8 финалга чиқиш имконини берди.
Бразилия - Жанубий Корея
Бу жуфтликда яққол фаворит бор ва у кутилганидек Бразилия терма жамоаси бўлиб чиқди. Суперкомпьютерга кўра, “пентакампеон”ларнинг чорак финалга чиқиш имконияти 83 фоиз, жанубий кореяликларда эса атиги 17 фоиз. Бразилияликлар гуруҳ босқичининг дастлабки икки турда иккита ғалабага эришиб (Сербия ва Швейцария мағлубиятга учраган) мундиалда муддатидан аввал плей-офф йўлланмасини қўлга киритишди. Гуруҳ босқичининг 3-турида Камерунга 0:1 ҳисобидаги мағлубият уларни иккинчи ўринга тушириб юбормади. Аммо Жанубий Корея термаси сўнгги дақиқада ўз гуруҳида иккинчи ўринга кўтарилиб олди. Бу Португалия терма жамоаси билан ҳал қилувчи ўйиннинг қўшиб берилган вақтида содир бўлди ва якунда улар 2:1 ҳисобида ғалаба қозонди.
Олдинги башоратлар амалга ошдими?
4 декабрь куни 1/8 финалнинг қуйидаги ўйинлари бўлиб ўтди: Франция - Польша ва Англия - Сенегал. Биринчи жуфтликда суперкомпьютер жамоаларнинг имкониятларини мос равишда 81% ва 19%, иккинчисида эса 68% ва 32% деб баҳолади. Франция терма жамоаси полшаликларни 3:1 ҳисобида мағлуб этган бўлса, инглизлар Африка термасини 3:0 ҳисобида мағлуб этишди. Шундай қилиб, суперкомпьютернинг иккала башорати ҳам амалга ошди. Аввалроқ Аргентинанинг Австралия билан, Нидерландиянинг АҚШ билан ўйинлари учун тўғри башорат қилинган эди.
1/8 финал ўйинлари тақвими 5 декабрь
20:00. Япония - Хорватия
00:00. Бразилия - Жанубий Корея.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
