5 dekabr kuni jahon chempionatining 1/8 final bosqichining navbatdagi o‘yinlari bo‘lib o‘tadi. Yaponiya terma jamoasi Xorvatiya termasi bilan, Braziliya esa Janubiy Koreya bilan kurash olib boradi. Five Thirty Eight superkompyuteri g‘oliblarni bashorat qildi. Kompyuter jamoalarning hujum va mudofaadagi kuchini aks ettiruvchi Soccer Power Index deb ataladigan ko‘rsatkichga asoslanadi.
Yaponiya - Xorvatiya
Superkompyuterga ko‘ra, kunning birinchi o‘yinida muxlislar taxminan teng o‘yin kutishmoqda. Biroq biroz ustunlik hamon Xorvatiya terma jamoasi tomonida: 54% yaponiyaliklar uchun 46%. Xorvatlar turnirda hali birorta ham mag‘lubiyat alamini totib ko‘rishmagan, biroq ular ikki marta (Marokash va Belgiya terma jamoalari bilan) 0:0 o‘ynab, Kanadani 4:1 hisobida mag‘lub etib, ikkinchi o‘rin bilan guruhdan chiqishdi. Yaponiya terma jamoasi, aksincha, 2-turda Kosta-Rikaga imkoniyatni boy berdi, ammo Germaniya va Ispaniya ustidan qozonilgan shov-shuvli g‘alabalar osiyoliklarga birinchi o‘rinda 1/8 finalga chiqish imkonini berdi.
Braziliya - Janubiy Koreya
Bu juftlikda yaqqol favorit bor va u kutilganidek Braziliya terma jamoasi bo‘lib chiqdi. Superkompyuterga ko‘ra, “pentakampeon”larning chorak finalga chiqish imkoniyati 83 foiz, janubiy koreyaliklarda esa atigi 17 foiz. Braziliyaliklar guruh bosqichining dastlabki ikki turda ikkita g‘alabaga erishib (Serbiya va Shveysariya mag‘lubiyatga uchragan) mundialda muddatidan avval pley-off yo‘llanmasini qo‘lga kiritishdi. Guruh bosqichining 3-turida Kamerunga 0:1 hisobidagi mag‘lubiyat ularni ikkinchi o‘ringa tushirib yubormadi. Ammo Janubiy Koreya termasi so‘nggi daqiqada o‘z guruhida ikkinchi o‘ringa ko‘tarilib oldi. Bu Portugaliya terma jamoasi bilan hal qiluvchi o‘yinning qo‘shib berilgan vaqtida sodir bo‘ldi va yakunda ular 2:1 hisobida g‘alaba qozondi.
Oldingi bashoratlar amalga oshdimi?
4 dekabr kuni 1/8 finalning quyidagi o‘yinlari bo‘lib o‘tdi: Fransiya - Polsha va Angliya - Senegal. Birinchi juftlikda superkompyuter jamoalarning imkoniyatlarini mos ravishda 81% va 19%, ikkinchisida esa 68% va 32% deb baholadi. Fransiya terma jamoasi polshaliklarni 3:1 hisobida mag‘lub etgan bo‘lsa, inglizlar Afrika termasini 3:0 hisobida mag‘lub etishdi. Shunday qilib, superkompyuterning ikkala bashorati ham amalga oshdi. Avvalroq Argentinaning Avstraliya bilan, Niderlandiyaning AQSH bilan o‘yinlari uchun to‘g‘ri bashorat qilingan edi.
1/8 final o‘yinlari taqvimi 5 dekabr
20:00. Yaponiya - Xorvatiya
00:00. Braziliya - Janubiy Koreya.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
