Португалия - Швейцария учрашувининг асосий воқеаси учрашув бошланишига бир ярим соат қолганида содир бўлди. Яъни, Криштиану Роналду захира ўриндиғида қолди!
Бу ерда ҳеч қандай жароҳат йўқ эди - эҳтимол бош мураббий Фернандо Сантушнинг иродали қароридир.
Бу Жанубий Корея билан 3-тур учрашувида (1:2) шов-шувли алмаштиришдан кейин содир бўлди - Роналду майдонни тарк этиб, мураббийга қараб бир нималар деди. Бундан келиб чиқиб икки ўртада келишмовчилик бўлган дея тахмин қилиш мумкин. Бироқ мураббий бошқа нарса хусусида гапирди.
«Майдонда у билан боғлиқ ҳеч нарса эшитмадим, Роналду мендан жуда ҳам узоқда эди. Фақат корейс футболчиси билан жанжаллашаётганини эшитдим. Фотосуратни кўрдимми? Ҳа (афтидан, гап Криштианунинг Фернандога нимадир деб бақираётган кадр ҳақида кетяпти). Мен буни қандай қабул қилдим? Менга умуман ёқмади. Аммо бундай масалалар ёпиқ эшиклар ортида ҳал қилинади. Ҳозир Швейцария билан ўйин ҳақида ўйлаяпмиз. Энди масала ёпиқ эшиклар ортида ҳал қилинди», - дея тушунтирди Сантуш.
Португалиялик мухлислар айнан шуни сўрашди. Швейцария билан ўйин олдидан мамлакатнинг асосий спорт нашри A Bola Роналдуни захирада қолдириш керакми деган саволга жавоб сўрови ўтказди. Иштирокчиларнинг 70 фоизи ижобий жавоб берди.
Маълум бўлишича, Сантуш кўпчиликнинг хоҳишини амалга оширган. Қатъий қарор!
Роналду 2022 йилги жаҳон чемпионатида камроқ ўйин ўтказмоқда. Швейцария билан ўйин учун захира - бу тенденциянинг мантиқий давоми.
• Ганага қарши ўйин (3:2) - 88-дақиқада алмаштириш.
• Уругвай билан ўйин (2:0) - 82-дақиқада алмаштириш.
• Жанубий Корея билан ўйин - 65-дақиқада алмаштириш.
Қачон Роналду ўйиннинг айрим сабаблари туфайли йирик турнирларда захирада қолиб кетган?
18 йил олдин! Евро-2004 гуруҳ босқичида Россия — Португалия ўйинида Роналду 78-дақиқада Луиш Фигу ўрнига майдонга тушган.
Шундан сўнг яна бир нечта ҳолатлар бўлди (Евро-2008да Швейцария билан ва 2006 йилги Жаҳон чемпионатида Мексика билан), лекин иккала ҳолатда ҳам ўйинлар турнир аҳамиятига эга эмас эди - ўша пайтда Португалия аллақачон гуруҳдан чиқишни кафолатлаган.
Роналду бунга қандай муносабатда бўлди?
Куннинг иккинчи ярмида у ижтимоий тармоқларда фақат мотивацион хабар қолдирди: «Бугун Португалия куни! Барча Португаллар куни!
Бугун ўзимиздаги барча орзуларимиз амалга ошиши керак бўлган кун! Келинг, қўлимиздан келганини қилайлик!»
Нима бўлган тақдирда ҳам Кришнинг ёши ўтиб бораётганини мухлис сифатида тан олишга мажбурмиз. Бироқ у ва мураббий ўртасидаги муносабатлар бундан буёғига қизиқ тус олиб бориши турган гап.
Матнда хатолик топсангиз, ўша хатони белгилаб, бизга жўнатинг (Ctrl + Enter).
ОКМК
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
