Marca: Роналду «Ан-Насср» билан 2030 йилгача бўлган шартнома имзолайди
Португалиялик ҳужумчи Криштиану Роналду Саудия Арабистонининг «Ан-Насср» клуби билан 2030 йилгача бўлган шартномага имзо чекади. Бу ҳақда "Marca" нашри хабар тарқатди.
Шундан дастлабки икки ярим йилини Криштиану футболчи сифатида ўтказади. Шундан сўнг у жаҳон чемпионатига мезбонлик қилишни истаётган Саудиянинг элчисига айланди. С.Арабистони 2030 йилги Мундиалга Миср ва Греция билан биргаликда мезбонлик қилмоқчи. Эслатиб ўтамиз, ЖЧ-2030 мезбонлигига Испания ва Португалия ҳам даъвогарлик қилмоқда.
Роналду ушбу таклиф устида икки ҳафтадан буён ўйламоқда. У шартнома имзолашдан олдин яна қўшимча вақт сўради. Яқин кунларда Роналду ва «Ан-Насср» ўртасида шартнома имзоланаши мумкин.
Агар келишув амалга ошса, португалиялик футболчи бир мавсумда 200 миллион евро олиши кутилмоқда. Элчи лавозими учун қанча таклиф қилинаётгани ҳозирча аниқ эмас.
Манба: championat.com
Киритилди: 14:27, 22.12.2022. Ўқилди: 10490 марта. Фикрлар: 16 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар