"Челси" академияси йигирма биринчи асрнинг энг яхшиларидан бири саналади. У ерда кўплаб юлдузлар тарбия топган. Яқин йиллар ичида ҳам бу иш давом этиб келмоқда. Қуйида Йилнинг энг яхши академия ўйинчиси номига лойиқ топилган "Челси" тарбияланувчилари ҳақида сўз боради.
2015: Доминик Соланке
Ҳужумчи 2014-2015 йилларда ажойиб ўйин кўрсатиб, 41 гол уришга эришади. Шу сабаб, энг яхшилар қаторида эътироф этилади. 2017 йилда Соланке "Ливерпул"га сотиб юборилади. У ердаги бир муддатлик фаолиятидан кейин "Борнмут"га, 19 миллион фунт эвазига трансфер қилинади.
2016: Фикайо Томори
Томори "Челси" ёшлари сафида УЕФА мусобақасида зафар қучади. Шундан кейин унинг номи танила бошлади. 2017 йилда ҳимоячи "Брайтон"га ижарага берилади. Кейинги мавсумлар у учун "Халл Сити" ва "Дерби Каунти"да кечди. 2020-21 йилги мавсум ярмида Томори "Милан"га ижарага ўтди. Чунки унинг "Челси"даги ўрни Тиагу Силва томонидан эгаллаб олинганди. Кейинги мавсумдан у 25 миллион эвазига доимий миланликлар вакилига айланди ва Италия чемпионлигини қўлга киритди.
2017: Мейсон Моунт
Моунт аввалдан "Челси" ёшлари сафида сардор сифатида ўзини намоён қилганди. Англиянинг 19 ёшгача бўлган жамоаси сафида Европа чемпионига айланади. У ҳам Томори сингари "Дерби Каунти"да ижарада ўйнаб келди ва жамоаси билан янги 5 йиллик шартнома тузди. Ҳозирда Моунтнинг "Челси" асосий жамоасидаги учинчи мавсуми кетмоқда. Ҳозирча Грэм Поттер уни режаларига киритган.
2018: Рис Жеймс
Жеймс "Челси" академиясининг энг яхши фуболчиси мақомига 2018 йилда эришганди. "Уиган Атлетик"даги икки йиллик ижара даври ёш ҳимоячига кўп нарса ўргатди. У 2020 йилнинг январида узоқ муддатлик битимга имзо чекди. "Челси" Жеймснинг ажойиб ўйинлари билан ЕЧЛ ғолиблигига эришади.
2019: Конор Галлахер
Галлахер ҳозир ҳам асосий таркибда эмас. Аммо "Чарлтон", "Суонси" ва "Кристал Пэлас"да ажойиб равишда ҳаракат қилиша эришган. Шу сабабли Гарет Саутгейтнинг миллий терма жамоасига чақирув олди. Айни дамда 22 ёшли ярим ҳимоячи Поттер жамоасида захирада турибди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
