Патрик Виейрадан тортиб, Тьерри Анригача, Арсен Венгер "Арсенал"да ажойиб трансферлар сиёсатини амалга оширади. Аммо унинг клубдаги сўнгги даври анча оғир кечган. Шу каби трансферлар танловида ҳам айрим сўроқли жойлари бўлган. Қуйида Венгернинг "Арсенал"даги сўнгги уч йилида кимларни сотиб олгани ва уларнинг тақдири ҳақида билиб оласиз.
Пьер-Эмерик Обамеянг
Венгер 2018 йилнинг январида "Боруссия Дортмунд"дан Обамеянгни сотиб олиш орқали ўзининг ўринбосарига "совға" қолдириб кетганди. Айнан Обамеянг Венгердан кейинги даврда "Арсенал"га титул олиб беради. Афсуски, габонлик ҳужумчининг ишлари ортга кетиб, ўзини йўқотиб қўйди. У 2022 йилнинг январида "Барселона"га текинга бериб юборилади. Ярим мавсум Каталонияда бўлган футболчи ёзда яна АПЛга қайтди. У ҳозир "Челси" сафида бўлиб турибди.
Генрих Мхитарян
Мхитарян Санчес билан алмаштирилади. 2018 йилнинг январида "Арсенал" ва "МЮ" шунга келишиб олади. Гарчанд арманистонлик учун дебют омадли кечган бўлсада, кейинчалик жуда ҳам қийналди. У Унаи Эмери жамоасига мослаша олмади. Шу туфайли "Рома"га келди. Ҳозир эса "Интер"да фаолият олиб бормоқда.
Александр Ляказетт
Ляказетт "Арсенал"га 46 миллион фунтга тушади. Аммо у ўзининг "Лион"даги даражасига чиқа олмади. Олти йиллик даврдан кейин Ляказетт мавсум аввалида яна "Лион"га қайтди. У ҳозирга қадар 15 та ўйинда 9 та гол уришга эришган.
Шкодран Мустафи
Мустафи Лондон клубида Англия кубокларини бир неча бор қўлга киритди. У 150 дан ортиқ ўйинда майдонга тушган. Аммо немис ҳимоячиси асосан омадсиз ўйинлари билан эсланади. 2021 йилнинг февралида Мустафи "Шалтке 04"га эркин агент сифатида кетади. Ундан кейин Ла-лигада бир мавсум "Леванте" сафида ўйнади. Ҳозир эса унинг жамоаси Испания сегундасига тушиб кетди.
Роб Холдинг
Холдинг "Болтон" сафида Биринчи лигага тушиб кетади. Шунга қарамай, у 2016 йилда "Арсенал" томонидан 2 миллион фунтга сотиб олинади. У 2017 йилдаги "Челси" билан бўлган кубок финалида порлайди. Аммо шундан кейин жароҳатлари билан сафдан четда қолиб кетади. У бу рўйхатдаги ҳалиям "Арсенал" футболчиси бўлган ягона аъзодир. Айни дамда Микель Артета Холдингга асосан кубок ўйинларида имкон бермоқда. У Габриэл, Салиба ва Уайтлардан кейинги номзод саналади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
