Patrik Viyeyradan tortib, Tyerri Anrigacha, Arsen Venger "Arsenal"da ajoyib transferlar siyosatini amalga oshiradi. Ammo uning klubdagi so‘nggi davri ancha og‘ir kechgan. Shu kabi transferlar tanlovida ham ayrim so‘roqli joylari bo‘lgan. Quyida Vengerning "Arsenal"dagi so‘nggi uch yilida kimlarni sotib olgani va ularning taqdiri haqida bilib olasiz.
Pyer-Emerik Obameyang
Venger 2018 yilning yanvarida "Borussiya Dortmund"dan Obameyangni sotib olish orqali o‘zining o‘rinbosariga "sovg‘a" qoldirib ketgandi. Aynan Obameyang Vengerdan keyingi davrda "Arsenal"ga titul olib beradi. Afsuski, gabonlik hujumchining ishlari ortga ketib, o‘zini yo‘qotib qo‘ydi. U 2022 yilning yanvarida "Barselona"ga tekinga berib yuboriladi. Yarim mavsum Kataloniyada bo‘lgan futbolchi yozda yana APLga qaytdi. U hozir "Chelsi" safida bo‘lib turibdi.
Genrix Mxitaryan
Mxitaryan Sanches bilan almashtiriladi. 2018 yilning yanvarida "Arsenal" va "MYU" shunga kelishib oladi. Garchand armanistonlik uchun debyut omadli kechgan bo‘lsada, keyinchalik juda ham qiynaldi. U Unai Emeri jamoasiga moslasha olmadi. Shu tufayli "Roma"ga keldi. Hozir esa "Inter"da faoliyat olib bormoqda.
Aleksandr Lyakazett
Lyakazett "Arsenal"ga 46 million funtga tushadi. Ammo u o‘zining "Lion"dagi darajasiga chiqa olmadi. Olti yillik davrdan keyin Lyakazett mavsum avvalida yana "Lion"ga qaytdi. U hozirga qadar 15 ta o‘yinda 9 ta gol urishga erishgan.
Shkodran Mustafi
Mustafi London klubida Angliya kuboklarini bir necha bor qo‘lga kiritdi. U 150 dan ortiq o‘yinda maydonga tushgan. Ammo nemis himoyachisi asosan omadsiz o‘yinlari bilan eslanadi. 2021 yilning fevralida Mustafi "Shaltke 04"ga erkin agent sifatida ketadi. Undan keyin La-ligada bir mavsum "Levante" safida o‘ynadi. Hozir esa uning jamoasi Ispaniya segundasiga tushib ketdi.
Rob Xolding
Xolding "Bolton" safida Birinchi ligaga tushib ketadi. Shunga qaramay, u 2016 yilda "Arsenal" tomonidan 2 million funtga sotib olinadi. U 2017 yildagi "Chelsi" bilan bo‘lgan kubok finalida porlaydi. Ammo shundan keyin jarohatlari bilan safdan chetda qolib ketadi. U bu ro‘yxatdagi haliyam "Arsenal" futbolchisi bo‘lgan yagona a’zodir. Ayni damda Mikel Arteta Xoldingga asosan kubok o‘yinlarida imkon bermoqda. U Gabriel, Saliba va Uaytlardan keyingi nomzod sanaladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
