Сўнгги кунларда ҳамюртимиз Элдор Шомуродов учун курашда янги жамоа пайдо бўлгани ва улар Элдорни қўлга киритиш учун жуда яқин тургани ҳақида хабарлар тарқалди. Бу жамоанинг номи "Специя". Хўш, клуб ҳозир қандай ҳолатда? Уларга марказий ҳужумчи қанчалик зарур ва жамоада қандай даражадаги юлдузларни кўришимиз мумкин? Энг мухуми жамоа мураббийи ким? Қуйида айнан шулар ҳақида тўхталамиз.
"Специя" қандай жамоа?
Клуб анча илгари яъни 1906 йилда ташил этилган. Лекин клуб шунга қарамай деярли титул ютмаган. Фақат бир марта 1943-44 йилги мавсум Италия А Сериясида зафар қуча олган. Клуб стадиони биринчи жахон урушида иштирок этган лейтенант Алберто Пикко номи билан аталади. Стадоин сиғими ҳам унчалик катта эмас. Арена бир вақтнинг ўзида 11мингдан ортиқ томошабинни бағрига сиғдира олади. Оддий кўринган ушбу фактлар ҳам клубнинг даражасини кўрсатиб турмоқда. "Бургутлар" лақабини олган жамоа ҳозирда А Серияда жон сақлаб қолиш учун курашмоқда. Улар ткрнир жадвалининг 16-поғонасидан жой олган. Клуб президенти америкалик Филип Раймонд Платек ҳисобланади.
Клуб таркиби қандай кўринишда?
Клуб анча пастки поғонада эканлигининг асосий сабаби - таркибда бўлиши мумкин. Чунки клуб бир йил ичида, яьни ўтган йили қиш фаслидан бу йилги қиш фаслигача 60га яқин трансфер ишлари олиб борган. Аниқроқ қилиб айтганда 30га яқин футболчи жамоани тарк этган ва ҳудди шунчаси жамоага бир йил ичида келиб қўшилган. Умуман олганда клубда катта ўзгаришлар бўлмоқда. Жамоанинг асосий юлдузларидан бири Якуб Кивиор яқинда "Арсенал"га кўчиб ўтди. Бу эса "Специя"га трансферлар учун яна пул сарфлаш имконини берган. "Бургутлар" Шомуродовга асосий таркибдан жой тайёрлаб қўйган деб бўлмайди. Негаки, жамоада етакчи ҳужумчи бор. Мбала Нзола ушбу мавсум клубнинг асосий тўпурари ҳисобланади. У 20та ўйинда майдонга тушиб 11 гол киритишга муваффақ бўлган. Шунингдек, ҳужум чизиғида ўтган мавсумда яхши ўйинлар кўрсатган Даниэле Верди ҳам бор. Умуман олганда таркиб кучли бўлмаган бир даражадаги футболчилардан ташкил топган. Айтиш жоизки, клубда Мальдинилар сулоласи вакили Даниэль Мальдини ҳам бор.
Жамоа мураббийи ким?
Лука Готти номи кўпчиликка бегона бўлса керак. Готтининг бош мураббий сифатидаи иккини иши бу "Специя". Готти ўтган йилнинг ёзида клубда Тиагу Мотта ўрнида иш бошлаган. Бундан олдин у "Уденезе" мураббийи бўлган. Луканинг олдида ҳозирги кунда жиддий муаммолар бор. Унинг жамоаси 16 ўринда. Шунингдек, клуб лазарети жароҳпт олган футболчилар билан тўлиб тошган. Клубга ҳозир марказий ҳужумчи жуда зарур. Чунки, клуб тўпурари жароҳати туфайли узоқ муддатга сафдан чиққан. Агар Элдор жамоа таркибига бориб қўшилса, у клубдаги трансфер қиймати энг юқори футболчига айланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
