“Атлетик Бильбао” жамоаси вакили Иньяки Уильямснинг афсонавий серияси охир-оқибат узилди – 2016 йилнинг апрелидан бери биринчи марта ҳужумчи Ла Лиганинг расмий учрашувида майдонга туша олмади. “Атлетик” эса “Сельта”га 0:1 ҳисобида имкониятни бой берди.
Гана паспортига эга басклик ҳужумчи 6 йил, 9 ой ва 22 кун давом этган серияни тўхтатди.
Ўзи нима бўлди?
Испания кубоги чорак финалида "Валенсия"га қарши ўйинда (3:1) Иньяки 88 дақиқа ўйнаб, иккита голли узатмани амалга оширди ва "Атлетик"нинг ярим финалга чиқишига ёрдам берди. Бироқ, ўйиндан кейин Уильямс кутилмаганда мушаклардаги ноқулайликдан шикоят қилди. Басклик футболчи чемпионатда "Сельта" билан ўйин учун қайдномага киритилганди, аммо сўнгги лаҳзада протоколдан олиб ташланди, у ҳатто захира ўриндиғида ҳам йўқ эди.
2022 йил сентябрида Иньяки ўнг тиззасининг боғламларини тортиб олди, бироқ бир ҳафта ичида тузалиб кетди. Орадан бир ой ўтиб, ҳужумчи кетма-кет 246-марта майдонга тушди ва ҳимоячи Манфред Бинцнинг рекордини такрорлади. Шундан сўнг, Уильямс касаллик туфайли бир неча бор ўйинни ўтказиб юбориш хавфида юрди, лекин у ҳар доим тузалиб, ҳеч бўлмаганда захирадан майдонга тушди.
Уильямс кетма-кет 251 та ўйинда майдонга тушди - бу Ла Лига рекорди
Уильямс охирги марта 2016 йилнинг 7 апрелида Ла Лига ўйинида майдонга тушмаган эди – бу 2015/16 йилги мавсумнинг 33-тури, “Малага” – “Атлетик” учрашуви эди.
Ўшандан бери ҳеч қайси баҳс ўтказиб юборилмаганди.
• 2015/16-мавсум - 5 та учрашув;
• 2016/17-мавсум - 38;
• 2017/18-мавсум - 38;
• 2018/19-мавсум - 38;
• 2019/20-мавсум - 38;
• 2020/21-мавсум - 38;
• 2021/22-мавсум - 38;
• Мавсум-2022/23 - 18;
Кетма-кет 251 ўйин - Испания чемпионатлари рекорди.
“Иньякининг энг ақл бовар қилмайдиган томони шундаки, у ҳужумчи. Бу шундай узоқ серияли ўйинлар учун қийин позиция. Ҳужумчилар кўплаб зарбаларга дучор бўлишади. Уларнинг барчаси бирин-кетин ўйин ўтказишга жуда яхши тайёргарлик кўришлари керак, - дея ҳайратда қолди Хуан Антонио Ларраньяга. У Ла Лигада тўхтовсиз 202 ўйин ўтказган. “Мен ҳар куни ўзим азоб чекардим. Ҳар доим ҳам ўз имкониятларимни 100% намойиш этавермас эдим. Кўп марта оғриқ билан ўйнаганман. Натижада, бош бармоғимда травматик артрит пайдо бўлди”, - деди у.
Иньяки доимий равишда жамоанинг асосий таркибида ўйнади - олти тўлиқ мавсумда фақат бир марта у 30 мартадан камроқ асосий таркибда майдонга тушди (2020/21 мавсумда 28 марта). Энг яхши натижа - 2018/29 йилги мавсумда 36 та бошланғич таркибдаги ўйин. Жорий мавсумда у умуман "Сельта"дан олдин барча ўйинларда асосий таркибда баҳсни бошлади. Серия давомида у 50 та гол урди ва 51 та голли узатмани амалга оширди.
Бу вақт ичида “Атлетик” беш нафар мураббий ва президентни алмаштирди. Футболчининг ҳаётида ҳам катта ўзгаришлар рўй берди: Иньяки Гана фуқаролигини олди ва Қатарда бўлиб ўтган ЖЧ-2022да ўйнади. Басклар сафида унинг укаси Нико дебют қилди ва ўз ўрнига эга бўлди.
Бошқа лигалар ҳақида нима дейиш мумкин?
Кучлироқ натижалар бор, лекин ҳамма жойда дарвозабонлар олдинда.
А Серия пешқадами Франко Танкреди (“Рома”) 258та ўйин ўтказган. Францияда биринчи ўринни бутун фаолиятини "Осер"да ўтказган посбон Фабьен Кул (307 ўйин) эгаллаб турибди. 310 - Премьер-лига рекордчиси Брэд Фридель.
Уларнинг барчаси “Бавария”нинг афсонавий дарвозабони Зепп Майердан анча ортда қолмоқда – кетма-кет 442 та ўйин. 13 мавсум бирорта ўйинни ўтказиб юбормаган.
2022 йилнинг декабрида Уильямс Зеппнинг рекорди ҳақида ўйламаслигини ва шунчаки жамоага максимал фойда келтирмоқчи эканлигини айтганди: "Ҳужумчи гол уриши керак. Мен ҳар бир ўйиндан завқ олишга ва голдан бир неча метр узоқликда хотиржам бўлишга ҳаракат қиламан”.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
