“Atletik Bilbao” jamoasi vakili Inyaki Uilyamsning afsonaviy seriyasi oxir-oqibat uzildi – 2016 yilning aprelidan beri birinchi marta hujumchi La Liganing rasmiy uchrashuvida maydonga tusha olmadi. “Atletik” esa “Selta”ga 0:1 hisobida imkoniyatni boy berdi.
Gana pasportiga ega basklik hujumchi 6 yil, 9 oy va 22 kun davom etgan seriyani to‘xtatdi.
O‘zi nima bo‘ldi?
Ispaniya kubogi chorak finalida "Valensiya"ga qarshi o‘yinda (3:1) Inyaki 88 daqiqa o‘ynab, ikkita golli uzatmani amalga oshirdi va "Atletik"ning yarim finalga chiqishiga yordam berdi. Biroq, o‘yindan keyin Uilyams kutilmaganda mushaklardagi noqulaylikdan shikoyat qildi. Basklik futbolchi chempionatda "Selta" bilan o‘yin uchun qaydnomaga kiritilgandi, ammo so‘nggi lahzada protokoldan olib tashlandi, u hatto zaxira o‘rindig‘ida ham yo‘q edi.
2022 yil sentyabrida Inyaki o‘ng tizzasining bog‘lamlarini tortib oldi, biroq bir hafta ichida tuzalib ketdi. Oradan bir oy o‘tib, hujumchi ketma-ket 246-marta maydonga tushdi va himoyachi Manfred Binsning rekordini takrorladi. Shundan so‘ng, Uilyams kasallik tufayli bir necha bor o‘yinni o‘tkazib yuborish xavfida yurdi, lekin u har doim tuzalib, hech bo‘lmaganda zaxiradan maydonga tushdi.
Uilyams ketma-ket 251 ta o‘yinda maydonga tushdi - bu La Liga rekordi
Uilyams oxirgi marta 2016 yilning 7 aprelida La Liga o‘yinida maydonga tushmagan edi – bu 2015/16 yilgi mavsumning 33-turi, “Malaga” – “Atletik” uchrashuvi edi.
O‘shandan beri hech qaysi bahs o‘tkazib yuborilmagandi.
• 2015/16-mavsum - 5 ta uchrashuv;
• 2016/17-mavsum - 38;
• 2017/18-mavsum - 38;
• 2018/19-mavsum - 38;
• 2019/20-mavsum - 38;
• 2020/21-mavsum - 38;
• 2021/22-mavsum - 38;
• Mavsum-2022/23 - 18;
Ketma-ket 251 o‘yin - Ispaniya chempionatlari rekordi.
“Inyakining eng aql bovar qilmaydigan tomoni shundaki, u hujumchi. Bu shunday uzoq seriyali o‘yinlar uchun qiyin pozisiya. Hujumchilar ko‘plab zarbalarga duchor bo‘lishadi. Ularning barchasi birin-ketin o‘yin o‘tkazishga juda yaxshi tayyorgarlik ko‘rishlari kerak, - deya hayratda qoldi Xuan Antonio Larranyaga. U La Ligada to‘xtovsiz 202 o‘yin o‘tkazgan. “Men har kuni o‘zim azob chekardim. Har doim ham o‘z imkoniyatlarimni 100% namoyish etavermas edim. Ko‘p marta og‘riq bilan o‘ynaganman. Natijada, bosh barmog‘imda travmatik artrit paydo bo‘ldi”, - dedi u.
Inyaki doimiy ravishda jamoaning asosiy tarkibida o‘ynadi - olti to‘liq mavsumda faqat bir marta u 30 martadan kamroq asosiy tarkibda maydonga tushdi (2020/21 mavsumda 28 marta). Eng yaxshi natija - 2018/29 yilgi mavsumda 36 ta boshlang‘ich tarkibdagi o‘yin. Joriy mavsumda u umuman "Selta"dan oldin barcha o‘yinlarda asosiy tarkibda bahsni boshladi. Seriya davomida u 50 ta gol urdi va 51 ta golli uzatmani amalga oshirdi.
Bu vaqt ichida “Atletik” besh nafar murabbiy va prezidentni almashtirdi. Futbolchining hayotida ham katta o‘zgarishlar ro‘y berdi: Inyaki Gana fuqaroligini oldi va Qatarda bo‘lib o‘tgan JCH-2022da o‘ynadi. Basklar safida uning ukasi Niko debyut qildi va o‘z o‘rniga ega bo‘ldi.
Boshqa ligalar haqida nima deyish mumkin?
Kuchliroq natijalar bor, lekin hamma joyda darvozabonlar oldinda.
A Seriya peshqadami Franko Tankredi (“Roma”) 258ta o‘yin o‘tkazgan. Fransiyada birinchi o‘rinni butun faoliyatini "Oser"da o‘tkazgan posbon Fabyen Kul (307 o‘yin) egallab turibdi. 310 - Premyer-liga rekordchisi Bred Fridel.
Ularning barchasi “Bavariya”ning afsonaviy darvozaboni Zepp Mayerdan ancha ortda qolmoqda – ketma-ket 442 ta o‘yin. 13 mavsum birorta o‘yinni o‘tkazib yubormagan.
2022 yilning dekabrida Uilyams Zeppning rekordi haqida o‘ylamasligini va shunchaki jamoaga maksimal foyda keltirmoqchi ekanligini aytgandi: "Hujumchi gol urishi kerak. Men har bir o‘yindan zavq olishga va goldan bir necha metr uzoqlikda xotirjam bo‘lishga harakat qilaman”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
